LEKSION 30
¡Jukypyëkandëp jatëgok ja mjëëky mmëguˈuk!
Ko pën yˈooky, mëk nimoˈon nidujkëm ets nnijëˈëy niyaxëm. Päätyë Biiblyë jyënaˈany ko oˈkën yëˈë tuˈugë mëtsip (1 Korintʉ 15:26). Mä leksion 27, ojts xynyijawë ko Jyobaa yajjëjptëgoyaambyë oˈkën. Per ¿wiˈix yˈitäˈändë pënaty të yˈoˈknëdë? Mä yäˈädë leksion mnijawëyaampy jatuˈugë wandakën mëdiˈibë Jyobaa të ttuny: ko dyajjukypyëkäˈäny miyonkˈamë jäˈäy mëdiˈibë të yˈooktë parë jyukyˈattët agujk jotkujk ets xëmëkyëjxm. ¡Okwinmay ko nëjkxë Jyobaa jatëgok yajjukypyëkëdë! Per ¿mbäädëdaa jyantsy jyukypyëktë? Ets mä jyukypyëkäˈändë, ¿yä Naxwiiny o jam tsäjpotm?
1. ¿Ti Jyobaa tyukmëdunaampy ja njëëkyˈäjt nmëguˈukˈäjtëm mëdiˈibë të yˈoˈknëdë?
Jyobaa jyantsy tsyojkënyëˈäjnëp jyäˈtët ja tiempë mä jatëgok dyajjukypyëkäˈäny pënaty të yˈoˈknëdë. Job, tuˈugë yetyëjk mëdiˈibë myëdäjt mëkë mëbëjkën, ijtpë nety seguurë ko Dios jamyatsanëp pën oˈkp ets pën yajpëjkëˈknëp jutoty. Pääty tˈanmääyë Dios: “Mijts xymyëgäjpxäämp ets ëjts atsowäämp” (käjpxë Job 14:13-15).
2. ¿Wiˈix nnijäˈäwëm ko mbäädë oˈkpë jyukypyëktë?
Ko Jesus jyukyˈajty yä Naxwiiny, mooyë Dios ja mëkˈäjtën parë dyajjukypyëkëdë oˈkpë. Pääty dyajjukypyejky tuˈugë kixyuˈunk mëdiˈibë nety 12 jyëmëjt ets nanduˈun tuˈugë kuˈookytyoxytyëjkë myäänk (Markʉs 5:41, 42; Lukʉs 7:12-15). Ok, ta yˈoˈky ja myëtnaymyaayëbë Lázaro, ets oyë nety tyaxkxëëwëp të nyaxtëjkënë, yajjukypyëjk jatëgok. Jesus jawyiinë Dios ojts tmënuˈkxtaˈaky, ta net jantsy mëk ojts tmëgajpxy jutˈagëˈëy: “¡Lázarë, pëtsëm jap! Net ja oˈkpë pyëtseemy”. ¡Duˈun ja Lázaro jyukypyeky! (Fwank 11:43, 44). ¿Mbawinmaapy wiˈix jantsy agujk jotkujk ojts nyayjyawëdë ja jyëëky myëguˈuk ets ja myëtnaymyaayëbë?
3. ¿Nëjkxëbëdaa jatëgok jyukypyëktë ja mjëëky mëguˈuk mëdiˈibë të yˈoˈknëdë?
Biiblyë wyandakypy ko “Dios dyajjikypyëkäˈäny tëgekyë oˈkpë” (Apostʉlʉty o Hechos 24:15). Pënatyë Jesus yajjukypyëjk kyaj nety të nyëjkxtë tsäjpotm (Fwank 3:13). Pes agujk jotkujk jyantsy nyayjyäˈäwëdë ko jatëgok jyukypyëjktë. ¿Ti yäˈädë xytyukˈijxëm? Ko Jesus tim tsojk dyajjukypyëkäˈäny miyonkˈamë oˈkpë parë jatëgok jyukyˈattët agujk jotkujk ets winë xëëw winë tiempë ko netyë yäˈädë Naxwinyëdë të jyëmbity jantsy tsuj. Jesus jyënany ko niˈamukë jyukypyëkäˈändë pënatyë Dios jamyajtsëdëp, axtë mëdiˈibë kyaj pën yˈokjamyajtsëndë (Fwank 5:28, 29).
AK NIJAWË NIˈIGYË
Min nˈokˈijxëm wiˈixë Biiblyë dyajtëyˈäjtëndëkë ko oˈkpë mbäät jyukypyëktë ets ko tunan jatanëbë duˈun. Ets wiˈix mbäät mjotkujkmoˈoyëty ko xyˈëwxit xyjyëjpˈixët ja oˈkpë jyukypyëkäˈändë.
4. Jesus myëdäjtypyë mëjääw parë dyajjukypyëkëdë oˈkpë
Ak nijawë ti xytyukniˈˈijxëm ko Jesus dyajjukypyejkyë Lázaro. Käjpxtë Fwank 11:14 etsë 38-44, ets nimaytyäˈäktë mëdiˈibë yä yajtëëpy:
¿Wiˈix nnijäˈäwëm ko Lázaro të nety jyantsy yˈooky? (Ixtë bersikulo 39).
Koxyëbë netyë Lázaro të pyatëkë tsäjpotm, ¿ojtsxyëp jamë Jesus yajtsoonyëty parë jatëgok jyukypyëkët yä Naxwiiny?
5. ¡Nimayë jäˈäy jyantsy jyukypyëkäˈändë!
Käjpxtë Salmo 37:29 ets nimaytyäˈäktë mëdiˈibë yä yajtëëpy:
¿Mä jyukyˈatäˈändë ja miyonkˈambë jäˈäy mëdiˈibë jukypyëkandëp?
Jesus kyaj yëˈëyë dyajjukypyëkäˈäny pënatyë Jyobaa Dios myëduundëp. Käjpxtë Apostʉlʉty 24:15 ets nimaytyäˈäktë mëdiˈibë yä yajtëëpy:
Ko nety ja oˈkpë jyukypyëktë, ¿pën mëdiˈibë mijts mˈixaampy?
Okpawinmayë yäˈädë: Duˈun extëm tuˈugë uˈunkteety kyaj tsyiptakxëty dyuxëdë yˈuˈunk mëdiˈibë jantsy määp, nanduˈunë Jesus kyaj tsyiptäˈägäˈänxëty dyajjukypyëkët pënaty të yˈooktë.
6. Mbäät mjotkujkmoˈoyëty ko xyˈëwxit xyjyëjpˈixët ja oˈkpë jyukypyëkäˈändë
Extëm mä Biiblyë yajnimaytyaˈaky jyukypyejky ja nyëëxë Jairo, të mayë jäˈäy yˈagujkmoˈoy jyotkujkmoˈoyëdë. Käjpxtë Lukʉs 8:40-42 etsë 49-56, parë xynyijawëdët wiˈix tyuun jyäjtë.
Mä Jesus tkayajjukypyekynyëm ja kixyuˈunk, duˈun tˈanmääyë Jairo: “[Këdii] mjotmayˈeeky. Mëbëjkëts jeˈeyë” (ixtë bersikulo 50). Ko xynyijawë oˈkpë jyukypyëkäˈändë, ¿wiˈix mbudëkëyaˈanyëty...
... ko yˈoogët tuˈugë mjëëky mmëguˈuk?
... ko mjukyˈäjtën yajpäädët oˈkën jëjpˈam?
Ixtë BIDEO ets nimaytyäˈäktë mëdiˈibë yä yajtëëpy:
¿Wiˈixë Phelicity tyääk tyeety jyotkujkmoˈoyëdë ko tnijawëdë ja oˈkpë jyukypyëkäˈändë?
NÄÄGË JÄˈÄY JYËNÄˈÄNDË: “Tsipëts nmëbëkët ko oˈkpë jyukypyëkäˈändë”.
Ets mijts, ¿wiˈix mˈokwinmay?
¿Mëdiˈibë tekstë myajtunëp parë jäˈäy xytyukˈixët ko jantsy jukypyëkandëbë oˈkpë?
TI TË NJÄJTËM
Biiblyë wyandakypy ko miyonkˈamë jäˈäy jyukypyëkäˈändë mëdiˈibë të yˈooktë. Etsë Jyobaa tyunaambyën duˈun, pääty të tmoˈoyë Jesus ja mëkˈäjtën parë oˈkpë dyajjukypyëkët.
Ajamyatsë
¿Wiˈix nnijäˈäwëm ko Jyobaa mëdë Jesus jyantsy yajjukypyëkanëdëp pënaty të yˈooktë?
Mä jyukyˈatäˈändë ja miyonkˈambë jäˈäy mëdiˈibë jukypyëkandëp, ¿yä Naxwiiny o jam tsäjpotm? ¿Ets tiko duˈun mwinmay?
¿Tiko mˈity seguurë ko ja mjëëky mmëguˈuk mëdiˈibë të yˈooktë jukypyëkandëp jatëgok?
AK PAYEˈEY
Nijawë tijaty mbäät xytyuny parë kyaj nëgoo mëk xytyimjawët ko pën yˈooky.
“Naybyudëkë parë pënaty të yˈooktë jyëëky myëguˈuk” (¡Despertad!, num. 3 2018)
¿Mbäädë Biiblyë pyudëkëdë pënaty yajnäjxtëbë jäj jëmuˈumën?
Ix ti mbäät pyudëkëdë ënäˈkuˈunk ko yˈooktët ja jyëëky myëguˈuk.
¿Jukypyëkandëbë jäˈäy tsäjpotm? ¿Pënaty kyaj jyukypyëkäˈändë?