Tääk teety, tundë mëjääw parë xypyudëkëdët ja mˈuˈunk mˈënäˈk ets tmëdundëdë Dios

Niˈamukë tääk teety diˈib Dios mëduundëp tyukmëtsojktëp ja yˈuˈunk yˈënäˈk ets tmëdundëdë Jyobaa. Mbäädë yˈuˈunk yˈënäˈk tpudëkëdë, pën desde mutsknëm ttukniˈˈixëdë ja tëyˈäjtën diˈib mä Biiblyë (Deut. 6:7; Prov. 22:6). ¿Tsiptakpëdaa duˈun nduˈunëm? Tsiptakp, pes tsojkëp nduˈunëmë mëjääw ets oy wyimbëtsëmäˈäny (3 Fwank 4).

Mbäädë tääk teety mëjwiin kajaa tyukniˈˈixëdë yˈijxpajtënë José mëdë María. Yëˈëjëty jëmëjt jëmëjt ijty “nyëjxtë xëˈäjtpë Jerusalén mä ja paskë xëë”, oy nuˈun dyajnimëjääwdaktë ets dyajtuundë ja myeeny syentääbë (Luk. 2:41). Perë José mëdë María, yëˈë mas jëjpˈam pyëjtaktë parë fyamilyë oy yˈittët mëdë Jyobaa. Tyam, nan mbäädë tääk teety tnëˈëmoˈoy ttuˈumoˈoytyë yˈuˈunk yˈënäˈk ko tmoˈoytyëdë oybyë ijxpajtën, duˈun mä kyäjpx myaytyakën ets mä tijaty tyuundëp (Sal. 127:3-5).

KO NETY TË YAˈIJXTÄˈÄYË BIDEO KYUPËJKTË OY TI TUUNK YAJMOOYTYË, TA YAˈˈATSOOWËMBITËDË TYÄˈÄDË YAJTËˈËWËN:

• Ko netyë Jon mëdë Sharon Schiller dyajˈyaaktë yˈuˈunk yˈënäˈk, ¿wiˈix jëjpˈam tpëjtaktë Diosë tyuunk?

• ¿Tiko tääk teety tëgatsyaty mbäädë yˈuˈunk yˈënäˈk tjëjwijtsëmbittë?

• ¿Wiˈix mbäädë tääk teety tpudëkëdë yˈuˈunk yˈënäˈk parë tmëmadäˈäktëdë jotmay ets kyaj tmastuˈuttëdë Jyobaa?

• Mä tukëˈëyë tijatyë Diosë kyäjpn yajpëtsëëmpy, ¿diˈibë mijts myajtuumpy parë xypyudëkë mˈuˈunk mˈënäˈk ets oy yˈittët mëdë Jyobaa?