Mbäät niˈamukë ngäjpxwäˈkxëm ets ndukniˈˈijxëmë jäˈäy

Moisés nyayjyäˈäwë ko kyaj mbäät ttuny ja tuunk diˈibë netyë Dios të tyuknipëkyëty (Éx. 4:10, 13). ¿Të mijts duˈun näˈä mˈoknayjyäˈäwëbë? ¿Jam mˈëxpëky mëdë Jyobaa tyestiigëty ets mwinmay ko tsip mnëjkxëty ëwäˈkx käjpxwäˈkxpë tëjkmdëjkm? Pën mˈeskuelëˈäjtp, ¿mtsëˈkëp mgäjpxwäˈkxët mä mˈeskuelë? ¿Mtsiptakxëp mgäjpxwäˈkxët mä mayë jäˈäy yajpääty o mä telefënë? Amdowë Jyobaa ets mbudëkëdët mët yëˈëgyëjxmë yˈespiritë santë (1 Peed. 4:11). Mbäät mˈity seguurë ko Jyobaa mbudëkëyanëp parë xytyunët oy tyim diˈibë tuungëty diˈib myajtuknipëjkp (Éx. 4:11, 12).

KO NETY TË YAˈIJXTÄˈÄYË BIDEO ITTË JOTMËK, PËNATY KÄJPXWÄˈKXTËP, TA YAˈˈATSOOWËMBITËDË TYÄˈÄDË YAJTËˈËWËN:

• ¿Tijaty jotmay wyinguwäˈkë nmëguˈukˈäjtëm Aoyama?

• ¿Ti ojts ttuny parë tpëjkyë jot mëjääw ets jyotmëktaky? (Jer. 20:7-9).

• ¿Wiˈix ttukˈoyˈajty ko niˈigyë Jyobaa tmëduuny?

• ¿Tijaty mtsiptakxëp mä mgäjpxwaˈkxy diˈib mbäät xymyëmadaˈaky mëdë Jyobaa nyaybyudëkë?