Jat Wiˈix Oy Xytyunëdë Diosë Tyuunk: Nˈokkäjpxwäˈkxëm mä jëën tëjk diˈib myëdäjtypyë kamërë o interfono

TIKO JYËJPˈAMËTY. Mët ko nëgooyë nyimayënë maˈtspë yajjäˈäyˈoˈkpë, ta jäˈäy tpëjtäˈäktë kamërë o interfono mä jyëën tyëjk. Pääty, mbäädë net ntsëˈkëm ndukmëtmaytyakëmë Diosë yˈayuk ja jäˈäy diˈib kyaj mbäät nˈijxëm wingëjxm jëjpkëjxm. Tyäˈädë käjpxwijën diˈib yä miimp, xypyudëkëyäˈänëm parë kyaj ntsëˈkëm nmëtmaytyakëmë jäˈäy mä tuˈugë kamërë o mä interfono.

WIˈIX MBÄÄT NDUˈUNËM

• Winmay ko oybyëtsëmäämp. Mayë jäˈäy diˈib myëdäjttëbë kamërë o interfono mä jyëën tyëjk, xymyëtmaytyäˈägäˈänëm.

• Yaˈit mwinmäˈänyoty ko näägë kamërë netyë tyëkë grabaräjtpë mä ngapaˈanëmnëm ja timbrë, ets ja jäˈäy mbäät jap xyˈijxëm ets tmëdoy ti ngäjpx nmaytyakëm.

• Ko ja jäˈäy mˈatsowëdët, mmëtkäjpx mmëtmaytyäˈäk extëmxyëp mwindanëty. Xiˈik xon ets yajˈyuˈkxë mˈääw mgëˈë extëm mgajpxy mmaytyaˈaky. Tukmëtmaytyäˈäk ti nety mdukmëtmaytyäˈägaampy extëmxyëp ko të dyaˈˈawäˈätsy ja tyëjk. Pën jam tuˈugë kamërë, këdii nëgoo xymyëwingony. Ets pën ja jäˈäy kyaj yˈatsoy, këdii jap xygryabaraty ja mˈääw mˈayuk.

• Nan yaˈit mwinmäˈänyoty ko oyë nety të mjamaytyaktäˈäy mët ja jäˈäy, mbäät duˈunyëm mˈixyëty o tmëdoy wiˈix mjënäˈäny.