Jat wiˈix oy xytyunëdë Diosë tyuunk: ko mgäjpxwäˈkxët mä interfono

Tiko jyëjpˈamëty. Mä näägë it lugäär kyaj nmëguˈukˈäjtëm tmëtmaytyäˈäktë jäˈäy wingëjxm jëjpkëjxm, yëˈë yajtuundëbë interfono. Ko duˈun kyäjpxwäˈkxtë, mbäät tsyëˈëgëdë. ¿Ti mbäät ttundë parë duˈunyëm ttukˈit ttukxondëdë Diosë tyuunk? Nˈokjamyajtsëm ko näägë jäˈäy mbäät jaanëm tmëdowdë oybyë ayuk ko yajtukmëtmaytyäˈäktët mä tuˈugë interfono (Rom. 10:14). Ets të jäˈäy duˈun yajtuknijawë tëyˈäjtën (ixë Anuario 2011, pajina 65 etsë 66, etsë Anuario 2000, pajina 54, parrafo 3). Tyää yajnigajpxy wiˈix mbäät nduˈunëm.

Wiˈix nduˈunëm:

Winmay wiˈixë jäˈäy xymyëtmaytyäˈägäˈäny naa kon ets kujayë parë mbäät xykyajpxy mä interfono. Ko duˈun xytyunët, ta kyaj mtsëˈëgët. Tukmëtmaytyäˈäk tiko jam myajpääty. Tukmëgäjpxë xyëë pën miimp mä interfono. Mä mgajëmbitynyëm, awanë tuˈugë rebistë o ëxpëjkpajnë tukˈääyatypyë. Anëëmë ko mjamoˈoyaampy o mjanikaˈagaampy tyëjkˈagëˈëy.
Winmay ko oybyëtsëmäämp. Xiˈik xon ets yajˈyuˈkxë mˈää mgëˈë extëmxyëp ja jäˈäy mwindanëty.
Pëjtäˈägë mˈää mˈyoˈkn extëmxyëp mëët maytyaˈaky ets këdii mtsëˈëgë. Käjpx wäˈäts extëm mbäät yajjaygyukë ets mëk. Yajtuˈuwits yajxon ja maytyaˈaky, per nan kyaj tim peˈtypy.
Ix wiˈix mbäät yˈoybyëtsëmy. Mä jëën tëjkë kanäk nikëˈëybyë, mbäät myiny tuˈugë interfono mët mayë timbrë, oy ko jeˈeyë nbaˈanëm majtsk o tëgëk, ngujäˈäyëm ets njëmbijtkojënë. Pes ko jeky nwëˈëmëm parë nmëtmaytyäˈägäˈänëm niˈamukë, mbäädë jäˈäy tëgatsy wyinmaytyë ets tsyëˈëgëdë.

Tiko duˈun xykyatuny mä tyäˈädë poˈo:

Mä mDiosˈawdaty mëdë mfamilyë, oy ko xytyuundäˈäktët wiˈixë jäˈäy yajmëtmaytyaˈaky ko kyaj yaˈixy.