Pudëkë jäˈäy parë kyëktëkëdë myëbëjkënë mä Jyobaa ets mä Jesus mëdë liibrë Jukyˈat agujk jotkujk

Pënaty nyaˈëxpëjkëm, tsojkëp dyajkëktëkëdët ja myëbëjkën parë mbäät ttundë tijatyë Jyobaa tyukjotkëdakypy (Heb. 11:6, TNM). Päätyë yäˈädë liibrë Jukyˈat agujk jotkujk, yëˈë xypyudëkëyäˈänëm parë nˈajäjt njotjäjtëm. Yäˈädë liibrë myëmiimbyë tekstë, oyatypyë dibujë, bideo, tyukjaygyujkëp yajxonë jäˈäy ets yajwinmaapy extëm tijaty dyajtëy. Ko nbudëjkëm ja mëdiˈibë nyaˈëxpëjkëm parë jyaˈayˈatët extëmë Dios ttsoky ets nyaymyayëdët mëët, ta nëjkx nyajtäˈtspëjkëm ja myëbëjkën (1 Kor. 3:12-15).

Näägë jäˈäy tsip tjawëdë nyaymyayëdët mëdë Dios mët ko kyaj mbäät tˈixtë. Pääty tsyokyëty nbudëjkëm parë tˈixyˈattëdë Jyobaa ets ttukjotkujkˈattët.

KO NETY TË YAˈIJXTÄˈÄYË BIDEO PUDËKË WIINK JÄˈÄY PARË KYËKTËKËDË MYËBËJKËNË MÄ JYOBAA MËDË LIIBRË “JUKYˈAT AGUJK JOTKUJK”, TA YAˈˈATSOOWËMBITËDË YÄˈÄDË YAJTËˈËWËN:

• ¿Wiˈix nnijäˈäwëm ko ja nmëguˈukˈäjtëm të yajxon tˈagäjpxë mä kyaˈëxpëkynyëm mët ja jäˈäy?

• ¿Tijaty të tˈakˈyajtëy parë ja jäˈäy të tnimaytyaˈagyë Isaías 41:10, 13?

• ¿Wiˈix ja jäˈäy të pyudëkëty ja bideo ets ja tekstë mëdiˈibë të tkäjpxtë?

Mayë jäˈäy kyaj tjaygyukëdë wiˈixën ttukˈoyˈattë ko të nyajjuuybyëtsëˈëmëm ets kyaj tmëjjawëdë ti Dios të ttuny (Gal. 2:20). Päätyën jyëjpˈamëty nbudëjkëm parë tmëbëktët ko Jesus të xyjuuybyëtsëˈëmëm.

KO NETY TË YAˈIJXTÄˈÄYË BIDEO PUDËKË WIINK JÄˈÄY PARË KYËKTËKËDË MYËBËJKËNË MÄ JESUS MËDË LIIBRË “JUKYˈAT AGUJK JOTKUJK”, TA YAˈˈATSOOWËMBITËDË YÄˈÄDË YAJTËˈËWËN:

• ¿Wiˈix nnijäˈäwëm ko ja nmëguˈukˈäjtëm të yajxon tˈagäjpxë mä kyaˈëxpëkynyëm mët ja jäˈäy?

• ¿Wiˈix ja nmëguˈukˈäjtëm të dyajtuny mä jyënaˈany “Ak payeˈey” parë të tpudëkë ja jäˈäy?

• ¿Tiko jyëjpˈamëty nyuˈkxtäˈägët ja jäˈäy mëdiˈibë nyaˈëxpëjkëm?