Jukyˈat agujk jotkujk: Jembyë tuumbajn parë jäˈäy ndukniˈˈijxëmë tëyˈäjtën

¡Jantsy agujk jotkujk nnayjyäˈäwëm ko tyam mbäädë jäˈäy nyaˈëxpëjktsondakëm mët ja jembyë liibrë etsë jembyë foyetë! Nˈamdoˈow nbëjktsoˈowëmë Jyobaa parë xykyunuˈkxëm mä jäˈäy nbudëjkëm ets tpanëjkxtëdë Jesus (Mat. 28:18-20; 1 Kor. 3:6-9). ¿Wiˈix mbäät nyajtuˈunëmë tyäˈädë jembyë tuumbajn?

Tëgatsäämp wiˈixë jäˈäy nyaˈëxpëjkëm, pes niˈigyë mëët ngäjpxäˈän nmaytyäˈägäˈänëm. Pääty ko mˈëxpëkët kontiempë, oy ko xytyunët extëm yä yajnigajpxy:a

• Käjpx ja informasion ets ix tijaty yajtëëpy.

• Käjpx ja tekstë diˈib jam miimp ets pudëkë ja diˈib myaˈëxpëjkypy parë tjaygyukët ti tukniˈˈijxëp.

• Tukˈix ja bideo ets yajtëw extëm jam myiny mä ja ëxpëjkpajn.

• Tunë mëjääw parë mëët xyajkëxët tuˈugë leksion tëgok tëgok mëët mˈëxpëktë.

Ko mnëjkxët ëwäˈkx käjpxwäˈkxpë ets ko xyˈixët tˈoymyëdoy ja jäˈäy, awanë tim jawyiin ja foyetë (ixë rekuäädrë “Wiˈix nˈawäˈänëmë foyetë Jukyˈat agujk jotkujk ko tim jawyiinë jäˈäy nmëtmaytyakëm” diˈib miimp mä pajina 16). Ko nety të xyˈëxpëjktäˈäytyë foyetë ets pën mˈijxy ko akˈëxpëkäämp, mmoˈoy ja liibrë ets ëxpëjktsondäˈäktë leksion 4. Ets pën yëˈë nety mëët xyˈëxpëky tuˈugë liibrë o foyetë, oy ko mëët xyˈëxpëjktsondäˈägëdë liibrë Jukyˈat agujk jotkujk. Per këˈëm xyˈixët ti leksion mëët xyajtsondäˈägäˈäny.

KO NETY TË YAˈIJXTÄˈÄYË BIDEO WI’IX YA’ËXPËKYË BIIBLYË, TA YAˈˈATSOOWËMBITËDË TYÄˈÄDË YAJTËˈËWËN:

• ¿Tijaty jyatandëp mä ja jembyë liibrë pënaty nyaˈëxpëjkëm?

• ¿Tiko yˈoyëty xytyukˈixëdë tyäˈädë bideo pënaty myaˈëxpëjktsondakypy?

• ¿Wiˈix xypyudëkët ja diˈib myaˈëxpëjkypy parë wyinmäˈäny niˈigyë tpëjtäˈägët ets tijaty tˈaktunët? (Ixë rekuäädrë “Tijaty mnijawëyaampy ets tijaty mbäät xyˈaktuny mä tuˈuk tuˈugë seksion” diˈib miimp mä pajina 16).