5-11 ÄÄMBË AGOSTË

SALMOS 70-72

Ëy 59 etsë nuˈkxtakën | Ääw ayuk mëdiˈibë mëët tsyondaˈaky (1 min.)

TIJATY YAJPATP MÄ BIIBLYË TSOBATP MËJWIIN KAJAA

1. Tukmëtmaytyäˈäk ja ënäˈktëjk ja Diosë myëjˈäjtën

(10 min.)

David yˈijx ko yëˈë Jyobaa kuentëˈäjtë mä yˈënäˈkˈäjty (Sal. 71:5; w99-S 1/9 paj. 18 parr. 17).

David duˈunyëmë Jyobaa pyudëjkë ko ojts myëjjäˈäyënë (Sal. 71:9; g04-S 8/10 paj. 23 parr. 3).

David tyukmëtmaytyak ja ënäˈktëjk wiˈixë netyë të jyukyˈaty ets të tmëdunyë Jyobaa (Sal. 71:17, 18; w14 1/1 paj. 23 parr. 4, 5).

Tuˈugë familyë të twowdë tuˈugë kasäädë jäˈäy mä Diosˈawdattë, tam tmëdoowˈittë yˈeksperiensyë ets tyukˈixëdë retratë.

OKWINMAY: “¿Pën mbäät xywyoy mä mDiosˈawdattë parë xyajtëwët wiˈix jeky të Diosmëduny?”.

2. Nˈokˈëxtäˈäyëmë oorë platë mëdiˈibë ijtp yuˈutsy

(10 min.)

Sal. 72:8. Ko Salomón ojts yˈaneˈemy, ¿wiˈix yˈadëëy ti Jyobaa tyukwandakë Abrahán mä Génesis 15:18? (it-1-S paj. 883).

Atsoowëmbit
Mä të xykyajpxyë Biiblyë yäˈädë sëmään, ¿tijaty të xypyaaty mëdiˈibë myajtsobatypy extëmë oorë platë?

Atsoowëmbit

3. Yajkajpxyë Biiblyë

(4 min.) Sal. 71:1-24 (th ëxpëjkën 5).

NˈOKˈYAˈËXPËJKËM OYË JÄˈÄY

4. Wiˈixë jäˈäy nmëtmaytyaktsoˈonëm

(3 min.) MÄ JYËËN TYËJK. Ko ja jäˈäy jeˈeyë winë dyajtsiptäˈägäˈänët, nayjyëgäjpxëdë tsuj yajxon (lmd leksion 4 numero 5).

5. Wiˈixë jäˈäy nnijëmbijtëm

(4 min.) KO JÄˈÄY NMËTMAYTYAKËM OYTYIM MÄÄJËTY. Mmëtmaytyäˈäk jatëgok ja mjëëky mmëguˈuk mëdiˈibë kyaj tyimˈity seguurë pën ëxpëkëp o kyaj (lmd leksion 8 numero 4).

6. Nimaytyäˈäk tijaty mmëbëjkypy

(5 min.) Diskursë. ijwfq 49. Ja txëwˈaty: ¿Tiko Jyobaa tyestiigëty tkäjpxˈoyëdë mëdiˈibë ijty tëgatsy jyaygyujkëdëp? (th ëxpëjkën 17).

WIˈIX JYUKYˈATYË DIOSMËDUUMBË

Ëy 76

7. Mbäädë yäˈädë xyˈëxpëktë mä mDiosˈawdattë tuk familyë

(15 min.) Nimaytyäˈäk ets yajtëw.

Nan yëˈëyëmë yäˈädë familyë yˈëëwdäˈäktë.

Mä Diosˈawdattë tuk familyë ja nyëëx tˈaduunaxy wiˈix tnimaytyäˈägäˈäny tuˈugë jotmay.

Ko nDiosˈawdäjtëm tuk familyë mbäädë uˈunk ënäˈk tjaygyukëdë ja “Jyobaa jyëjpwijtsëmbijtën etsë yˈëwij kyäjpxwijën” (Efes. 6:4, TNM). Näˈäty tsiptakp nˈëxpëjkëm, per kyaj tiko ntsipkaˈxëm ets mas niˈigyë pën ja uˈunk ënäˈk nyijawëyaampy wiˈixë Biiblyë jyënaˈany (Fwank 6:27; 1 Peed. 2:2). Nimaytyäˈäk ja rekuäädrë “Mbäädë yäˈädë xyˈëxpëktë mä mDiosˈawdattë tuk familyë”, jap myiny tijaty mbäät ja familyë tˈëxpëktë parë kyaj tsyipkaˈaxtët. Ta net xyajtëwët:

Extëm të nˈijxëm mä rekuäädrë, ¿ti net mdunandëp ko mDiosˈawdattët tuk familyë?

Atsoowëmbit
¿Jam ti wiinkpë të xytyundë mä mDiosˈawdattë tuk familyë ets të xyˈixtë ko oybyëtsëëmp?

Atsoowëmbit

MBÄÄDË YÄˈÄDË XYˈËXPËKTË MÄ MDIOSˈAWDATTË TUK FAMILYË

BIIBLYË:

Mmëdoowˈittë ja kapitulo mëdiˈibë naxäämp mä taabë sëmään, o naytyukniwitsëdë wiˈix xykyäjpxäˈändë.
Këxjäˈäy tijaty mbäät tpayeˈeytyë ja mˈuˈunk ënäˈk mä ja kapitulo mëdiˈibë yajkäjpxp mä taabë sëmään. Ets ta net mduˈukmuktët parë xynyimaytyäˈäktët.
Payeˈeytyë mä Textos bíblicos para la vida cristiana wiˈix yaˈˈatsoowëmbity tuˈugë yajtëˈëwën o ti käjpxwijën yajkypyë Biiblyë ko jyamˈaty tuˈugë jotmay.
Aduunaxtë tijaty yajmaytyakp mä Biiblyë.
Yaˈoyëdë tarjetë ets jam këxjäˈäytyë tuˈugë tekstë mëdiˈibë miimp mä foyetë Ko ntsojkëmë jäˈäy: ta nyajtëjkëm ëxpëjkpë mä jyënaˈany, mëdiˈibë mëët kyaˈpxy 1 ets xyjyattët agëbajky. Ajamyatsëdë ja tekstë mëdiˈibë ojts xyˈokjäjtpëdë.
Ix ti mbäät mbudëkëdë mä liibrë Jukyˈat agujk jotkujk.
Aduunaxtë wiˈix xynyimaytyäˈäktët mëdiˈibë miimp mä jw.org mä jyënaˈany “ENSEÑANZAS BÍBLICAS”, ta net “Preguntas sobre la Biblia” o “Textos bíblicos explicados”.

REUNYONK:

Niˈëxpëkëdë tijaty naxäämp mä reunyonk.
Ixtë tijaty mgomentaratandëp ets agäjpxëdë parë kyaj nëgoo jeky xynyimaytyäˈäktët.
Ëëwdäˈäktë.
Nimaytyäˈäktë wiˈix mbäät xyjyotkujkmoˈoytyë tuˈugë nmëguˈukˈäjtëm mä reunyonk.
Tuundäˈäktë mëdiˈibë myajnaxandëp reunyonk.

KO NËJKXËM TËJKˈAYEˈEBYË:

Niˈëxpëkëdë wiˈixë jäˈäy xymyëtmaytyäˈägäˈändë mä jyëën tyëjk.
Niˈëxpëkëdë wiˈixë jäˈäy xyˈanëëmëyäˈändë ko jatëgok xynyijëmbittët.
Niˈëxpëkëdë wiˈix ja maytyaˈaky xyajtsondäˈägäˈäny ko muum mëdë jäˈäy mnaybyäädëdët ets wiˈix xytyukmëtmaytyäˈägäˈändë Diosë yˈayuk.
Tukniwitsëdë wiˈix niˈigyë Dios xymyëdunäˈändë ko nety tpääty ja Jesusë yˈoˈkën xëëw, ko ja mˈuˈunk mˈënäˈk byakasionkˈattë o ko nety kyaj mdundë.

IX MÄJATY MBÄÄT JA MFAMILYË XYˈAKPUDËKË:

Tuundäˈäktë ti mdunandëp ko xypyäättët tuˈugë jotmay, extëm ko myajnëxiˈik nyajtukxiˈiktët, ko ti atsipë jäˈäy mduktunäˈänëdët, ko ti tnixëëwdunäˈändë o ko ja mˈuˈunk mˈënäˈkë nyoobyë tmëdatäˈändët.
Oy ko miitsëty tääk teety mnayajnaxëdët extëm ja uˈunk ënäˈk, ets waˈan yëˈëjëty tˈëxtäˈäytyë ja informasion etsë net mdukjaygyukëdët ti mbäät xytyundë mä tuˈugë jotmay.

TIJATY MBÄÄT XYˈAKTUNDË:

Ixtë tuˈugë bideo mä JW Broadcasting^® ets xynyimaytyäˈäktët ti të xyˈoymyëdowdë.
Käjpxtë tuˈugë artikulo o ixtë tuˈugë bideo mä jw.org ets nimaytyäˈäktë.
Ixtë ti mbäät xynyimaytyäˈäktë mä “ENSEÑANZAS BÍBLICAS”, ta net mä “Adolescentes y jóvenes adultos” o mä “Niños”.
Nimaytyäˈäktë mëdiˈibë ojts xykyujayëdë ko mˈojtstë asamblee.
Ixtë ets nimaytyäˈäktë tijatyë Jyobaa të dyajkojy ets ti mdukniˈˈijxëdëp.
Wow näˈäganäˈäty tuˈugë nmëguˈukˈäjtëm ets waˈan tnimaytyaˈaky wiˈixë Jyobaa tˈixyˈajty.
Nimaytyäˈäktë wiˈix mas niˈigyë Jyobaa xyˈakmëdunäˈändë ets wiˈix mbäät mnaybyudëkëdë parë duˈun xytyundët.
Yaˈoyëdë tuˈugë maketë, extëm ja arkë mëdiˈibë Noé kyoj o tuˈugë mapë mëdiˈibë miimp mä Biiblyë o mä wiinkpë ëxpëjkpajn.

Pëjktäˈägë BIDEO Mbäät mas oy mDiosˈawdattë tuk familyë. Ta net xyajtëwët:

¿Ti ja yetyëjk kasäädë mbäät ttuny parë ja kyudëjk ttukxondäˈägët mä Diosˈawdattë tuk familyë ko jeˈeyë të wyëˈëmnëdë nimajtsk?

Atsoowëmbit

8. Yaˈëxpëkyë Biiblyë mä nduˈukmujkëm

(30 min.) bt kap. 13 parr. 17-24.