Ix wiˈix mbäät nˈëxpëjkëm
Ti mbäät jëjpˈam nbëjktakëm
Kyaj nëgoo tiempë nmëdäjtëm parë naytyuˈuk nˈëxpëjkëm, per ¿ti mbäät nduˈunëm parë yajxon nyajtuˈunëm ja tiempë? Myëduˈuk, yëˈë ko mˈëxpëjkojët yajxon extëm mbäät xyjyaygyukë. Niˈigyë mbudëkëyaˈanyëty ko wanaty tijaty xyˈëxpëkët, këdiinëm ko jantsy may ets kyaj xyjyaygyukët.
Ix tijaty jëjpˈam mbëjktakypy (Éfes. 5:15, 16). Min nˈokˈijxëm tuk pëky majtsk pëky tijaty mbäät xytyuny:
Käjpxë Biiblyë bom bom (Sal. 1:2). Mbäät yëˈë xykyajpxy mëdiˈibë yajkäjpxp sëmään sëmään.
Ix kontiempë tijaty naxäämp reunyonk extëmë rebistë Diˈib Xytyukˈawäˈänëm. Ëxpëk yajxon tijaty mgomentarataampy reunyonk (Sal. 22:22).
Pën mmëdäjtypy niˈigyë tiempë parë mˈëxpëkët, oy ko nanduˈun xyˈixët ets xykyäjpxët tijatyë Diosë kyäjpn yajpëtsëëmpy, extëm xyˈixëdë bideo, xykyäjpxëdë rebistë mëdiˈibë yajmoobyë jäˈäy ets tijaty pëtsëëmp mä jw.org.
Ëxpëk tijaty mnijawëyaampy. Extëm nˈokpëjktakëm, mbäät xypyayeˈey ti mdunëp ko xypyäädët tuˈugë jotmay, ko jam ti mnayajtëwëdët o ko niˈigyë xyjyaygyukëyäˈänëdë Diosë yˈAyuk.