Naxwinyëdë jyëmbitäˈäny extëm tuˈugë it lugäärë tsujpë

OK IXË tadë ääjy kepy tyim mëjatyˈäjnë, tadë pëjy ujts tyim tsujatyˈäjnë etsë tadë tun kopk. ¿Këdii jantsy tsujë tyäˈädë lugäär? Ok ixë tadë jatsyuˈu diˈib jamë tadë mixyuˈunk yajjeˈxypy. Ok ixë tadë kää etsë kuääjy mä jam tyanëdë mëëyoty. ¿Mtsojkënyëˈajtypy mtsëënëyaˈany mä tuˈugë lugäär extëmë tyäˈädë?

Dios tsyojkypy ets mijts mjukyˈatët winë xëë winë tiempë yä Naxwiiny mä tuˈugë it lugäärë tsujpë, mä kyaj mnekypyëk mnekyˈixëdët extëm tyamë jäˈäy yˈayoy. Dëˈënë Biiblyë twandaˈaky ja jäˈäy jyukyˈatäˈändë mä it lugäärë tsujpë. Dios yëˈë mëët yˈitäˈändë ets ko kyaj nyekyjaˈatäˈänyë oˈkënë, jëˈëy yaxën etsë pëjk adoˈonën. Tëgekyë kyëxandäˈäy nyaxandäˈäy.

Jesús yëˈë diˈib yajminaampy dëˈënë oyˈäjtënë. ¿Mnijäˈäp näˈä dëˈën ttunäˈäny? Ja ko dyajwatstäˈäyëdë tyäˈädë Naxwinyëdë mëdë axëkˈäjtënë etsë axëkjäˈäy. Jamyats ko Jesús yˈijty yä Naxwiiny ojts dyaˈagëdaˈagyë päˈäm jäˈäy, axtë yajpëdëˈkë oˈkpë. Dëˈën dyaˈijxë ti diˈib tyunaampy abëtsemy Naxwinyëdë ko tyëkët Rey mä ja Diosë yˈAnaˈam Kyutujkën.

¡Ok pawinmay wiˈix jantsy oy nëjx njukyˈatäˈänëm mä ja it lugäärë tsujpë! Jesús mët näägë jäˈäy diˈib yëˈë të twinˈixy, yˈanaˈamäˈändë tsäjpotm. Yëˈë yˈixandääytyëp tëgekyë diˈib yä Naxwiiny ets dyajjotkujkˈatäˈändë. Minë net nˈokˈijxëm ti mbäät nduˈunëm parë Dios nëjx xymyoˈoyëmë jukyˈäjtënë winë xëë winë tiempë mä ja it lugäärë tsujpë.