¿Ti mbäät xytyuny parë oy xyʼëxpëkët diʼib naxäämp mä naymyujkën?

Pën mʼëxpëjkypyë Biiblyë mët tuʼugë Jyobaa tyestiigë, seguurë ko xynyikajpxy kontiempë diʼib mʼëxpëkaampy. Nanduʼun mbäät kontiempë xyʼëxpëky tijaty naxäämp mä naymyujkën parë xytyukʼoyʼatët. Ets mbäät niʼigyë mbudëkëty ko yajxon xytyukniwitsët.

Ix näʼä ets mää mʼëxpëkäʼäny. ¿Naa ti oorë mbäät mʼëxpëky parë mguwëʼëmëdët? ¿Jopyëp mä mgatëkënëm tuumbë, o tsuu koots ko nety ja mʼuʼunk mʼënäʼk të myanäjxnëdë? Ets pën kyaj nëgoo tiempë xymyëdaty, ix nuʼun jeʼeyë mʼëxpëkäʼäny ets këdii xynyasʼixët parë ti myajtuʼudukëdët. Ëxtäʼäy tuʼugë lugäär mä kyaj jyamʼatyë naynyaʼamë ets yajpiʼitsë raadyë etsë telebisionk. Ko jawyiin mnuʼkxtäʼägët mä mgatëkënëm ëxpëjkpë, yëʼë mbudëkëdëp parë xyjyaʼaytyëgoyët tijaty mjotmaytyuunëp ets xypyëjtäʼägët ja mwinmäʼäny mä Diosë yʼAyuk (Filipʉs 4:6, 7).

Ajäʼäyë ayuk diʼib jëjpʼam parë xyʼatsoojëmbitët. Jaygyukë jawyiin tijaty yajnimaytyäʼägäämp. Ix ti myaytyakypyë artikulo o kapitulo ets wiʼix nyaymyënëjkxyëty ja subtitulo mët diʼib jam myaytyakypy, ix nanduʼunë dibujë ets käjpxë yajtëʼëwën mä yaʼʼajamyatsë, mä tnigajpxy diʼib jëjpʼam myaytyakypy. Ta net xykyäjpxëdë parrafo ets xyʼëxtäʼäyët mä yaʼʼatsoojëmbity diʼib yajtëëpy. Ëxtäʼäyë tekstë diʼib kyaj myiny jääybyety ets winmay wiʼix nyaymyënëjkxyëty mët diʼib yajmaytyakp (Apostʉlʉty 17:11). Ko net xypyäädët mä yaʼʼatsoojëmbity, ta net xyʼajäʼäyët tuʼuk majtskë ayuk diʼib jëjpʼam, diʼib mbäät mbudëkëty parë xyjamyatsët. Ets ko nety myajpääty mä naymyujkën, mbäädë net ja mgëʼë xykyonëʼëky ets xyʼatsoojëmbitët extëm të xyjaygyukë.

Ko xyʼixët tijaty yaʼëxpëjkp sëmään sëmään mä naymyujkën, ta wanaty wanaty xyajmëjwindëkët ja ëxpëjkën diʼib yajpatp mä Biiblyë (Matewʉ 13:51, 52).

• ¿Wiʼix mbäät xytyukniwitsë parë xyʼëxpëkët diʼib naxäämp mä naymyujkën?

• ¿Wiʼix mbäät mʼëxpëky parë mʼatsoojëmbitët mä naymyujkën?