¿Waˈan näˈä jyëjptëgoyëdë ayoˈon?

BIIBLYË JYËNAˈANY

“Dios yajtëtsxëdët tëgekyë ja wyinnëë. Kyaj yˈokˈijnët ja oˈkën, jëˈëy yaxën o ja pëjk adoˈonën, jaˈa ko tëgekyë diˈibë të yˈity, të jaˈa nyaxy kyexy.” (Diˈibʉ Jatanʉp [Apocalipsis] 21:4, Ja Jembyʉ Kajxyˈátypyʉ.)

¿WIˈIX NDUKˈOYˈÄJTËM KO NNIJÄˈÄWËM?

Nnijawëyäˈänëm ko Dios kyaj yëˈë dyajjaˈˈatyë amay jotmay (Santiago 1:13, Traducción del Nuevo Mundo [TNM]).

Xyjotkujkmoˈoyäˈänëm ko nnijäˈäwëm ko Dios jyaygyujkëp ja jäj jëmuˈumën diˈib nyajnäjxëm (Zacarías 2:8).

Njëjpˈixäˈänëm mä kyaj nyekyjaˈˈatäˈäny ti xyaˈˈayoˈojëm (Salmo 37:9-11).

¿MBÄÄT NMËBËJKËM WIˈIXË BIIBLYË JYËNAˈANY?

Mbäät, min nˈokˈijxëm majtsk pëky:

• Dios yˈaxëkˈijxypyë naytyëytyunë etsë ayoˈon. ¿Wiˈixë Jyobaa nyayjäˈäwë ko ja kyäjpn ojts yajtuny axëëk? Biiblyë jyënaˈany ko mëk tjäˈäwë ko ja wiink nax wiink käjpn “tyuunëdë axëëk” (Jueces 2:18, TNM).

  Dios kyaj tˈoyˈixyë jäˈäy diˈib yaˈˈayoobyë myëguˈuk. Biiblyë jyënaˈany ko yˈaxëkˈijxypyë “ää këˈë diˈib yajpëyeˈkypyë nyëë nyeˈpynyë jäˈäy diˈib nitii të tkatuundëgoy” (Proverbios 6:16, 17).

• Dios naytyukjotmaytyuunëp niduˈuk niduˈugë jäˈäy. Mbäät mwinmay ko kyaj pën tnijawë ja pëjk adoˈonën ets ja mäˈäy täjën diˈib myajnäjxypy, per kyaj dyuˈunëty, Jyobaa nan pyëjkypyë kuentë (1 Peedrʉ 5:7).

  Diosë yˈAnaˈamën tim tsojk dyajjëjptëgoyaˈany tukëˈëyë ayoˈon diˈib yajnäjxypy tuˈuk tuˈugë jäˈäy (Matewʉ 6:9, 10). Per mientrës jyaˈtyë tyäˈädë tiempë, Dios jyotkujkmoopy pënaty ëxtääyëdëp amumduˈukjot (Apostʉlʉty 17:27; 2 Korintʉ 1:3, 4).