¿Ti yˈandijpy Diosë yˈAnaˈam Kyutujkën?

BIIBLYË JYËNAˈANY

“Dios diˈib tsäjpotm dyajnaxkëdäˈägäˈäny tuˈugë anaˈamën diˈib ninäˈä kyakutëgoyaˈany.” (Daniel 2:44, Traducción del Nuevo Mundo.)

“Tyamë netë Nintsënˈäjtëm Dios esë Kyristë [yajkutujktsoonäˈändë] naxwiiny, es yajkutukäˈäny winë xëë winë tiempë.” (Diˈibʉ Jatanʉp [Apocalipsis] 11:15, Ja Jembyʉ Kajxyˈátypyʉ.)

¿WIˈIX NDUKˈOYˈÄJTËM KO NNIJÄˈÄWËM?

• Yëˈë tuˈugë oybyë gobiernë diˈib mbäät xytyukˈoyˈaty (Isaías 48:17, 18).

• Tim tsojk nyajpäädäˈänëm mä jembyë jukyˈäjtën, mä nˈitäˈänëm agujk jotkujk ets mä kyaj jyamˈatäˈänyë yuu päˈäm (Diˈibʉ Jatanʉp 21:3, 4).

¿MBÄÄT NMËBËJKËM WIˈIXË BIIBLYË JYËNAˈANY?

Mbäät, min nˈokˈijxëm majtsk pëky:

• Jesus yaˈijxë ti tyunaambyë Diosë yˈAnaˈam Kyutujkën. Yëˈë tyukniˈˈijxë ja yˈëxpëjkpëty ets tˈamdowdët ko nyuˈkxtäˈäktët parë myinëdë Diosë yˈAnaˈam Kyutujkën ets yajtunëdë tsyojkën yä Naxwiiny (Matewʉ 6:9, 10). Nan yajnigëxëˈk wiˈix tyëyˈäjtëndëkëyaˈany diˈib nˈamdoˈojëm.

  Ko Jesus jyukyˈajty yä Naxwiiny, yajkääy yaˈukë jäˈäy, yaˈˈagëdakë päˈäm jäˈäy ets axtë yajjukypyëjkë oˈkpë (Matewʉ 15:29-38; Fwank 11:38-44). Kom yëˈë nety tunäämp Rey mä ja Diosë yˈAnaˈam Kyutujkën, ojts dyaˈixyëty tijaty oyˈäjtënë tyukmëdunaambyë jäˈäy diˈib yˈanaˈamaampy (Diˈibʉ Jatanʉp 11:15).

• Tijaty tuun jäjtëp abëtsemy nyaxwinyëdë, yëˈë xytyukˈijxëm ko tim tsojk myinäˈänyë Diosë yˈAnaˈam Kyutujkën. Jesus ojts tnaskäjpxë ko mä netyë Diosë yˈAnaˈam Kyutujkën tkayajminyëmë jotkujkˈäjtën, jyaˈˈatäˈänyë tsip, yuu etsë mëk ujx (Matewʉ 24:3, 7).

  Tyam, ta tyuny jyatyëtyë tyäˈädë ayoˈon jotmay. Pääty, mbäät nˈijtëm seguurë ko tim tsojkë Diosë yˈAnaˈam Kyutujkën dyaˈoyëyaˈany.