MYËMAJTSK PËKY

Naywyintsëˈëgëdë nixim niyam

“Ja yetyëjk kyaj tmastuˈudët ja nyëdoˈoxy, mët ko ja Dios të yajnaymyikyëty.” (Markʉs 10:9)

Jyobaa tsyejpy ets kyaj pën nmëdëgoˈoyëm (Miqueas 6:8). Pääty jëjpˈam etsë kasäädë jäˈäy kyaj nyaymyëdëgoyëdët, net nyaytyukjotkujkˈatëdët. Pes pën kyaj nyaytyukjotkujkˈatëdë, kyaj mbäät dyajkëktëkëdë tsyojkën.

Tyam, tsiptakpë kasäädë jäˈäy nyaywyintsëˈëgëdët. Pääty, parë kyaj myäˈädëdë tsyënäˈäy jyukyˈäjtën, jëjpˈam ets tpëjtäˈägëdë wyinmäˈäny parë ttunëdë tyäˈädë majtsk pëkypyë.

1 PËJTÄˈÄK JËJPˈAM JA MTSËNÄˈÄY MJUKYˈÄJTËN

BIIBLYË JYËNAˈANY: “Ittë extëmë diˈibë wijy kejy” (Éfesʉ 5:15, 16). Mˈijtpë nety wijy ko mtsënäˈäy mjukyˈäjtën xypyëjtäˈägët mas jëjpˈam. Pes nitii duˈun kyajëjpˈamëty.

Jyobaa tsyejpy ets jamyë mˈijxënë xypyëjtäˈägët mä ja mjamyëët ets nimajtsk xytyukxondäˈäktëdë mjukyˈäjtën (Eclesiastés 9:9). Nanduˈun jyënaˈany ko ninäˈäxyëp mbäät ja mjamyëët xykyapëjtaˈaky jagam ëxkëˈëm, niˈigyë mbäät xyˈëxtäˈäyë winmäˈäny wiˈix nyayjawëdët jotkujk (1 Korintʉ 10:24). Yajnayjawëdë ja mjamyëët ko myajtsobatypy ets ko myajtëgoyˈajtypy.

Tuˈugë yetyëjk kasäädë tmoˈoyë jyokxˈuuky ja kyudëjk; tuˈugë yetyëjk kasäädë jyaˈty mä tyëjk ets tpäätyë kyudëjk tyojkxˈixy

DIˈIB MBÄÄT XYTYUNY:

Juudë tiempë parë myajpäädët mëdë mjamyëët ets mmëdoogukë wiˈix mmëtmaytyaˈagyëty
Xëmë winmay parë nimajtsk ets kyaj jeˈeyë parë mijts

Tuˈugë kasäädë jäˈäy dyajnaxtë tiempë nimajtsk

2 KUENTˈATË MJOT MWINMÄˈÄNY

BIIBLYË JYËNAˈANY: “Oytyim pënëty diˈibë yˈatsejpy tuˈugë toxytyëjk es tmëdëgoyaˈany, nyapatypy extëm mëët të tyëgoy, oy jeˈeyë të jyënaˈany jyodoty wyinmäˈänyoty” (Matewʉ 5:28). Ko pën twinmääyˈadëˈëtsyë axëëkpë ijt tsënaaky, duˈunxyëp extëm tmëdëgoy ja jyamyëët.

Jyobaa mˈanmääyëp ko jëjpˈam ets xykyuentˈatëdë mgorasoon (Proverbios 4:23; Jeremías 17:9). Parë duˈun xytyunët, tsojkëp mnaygyuentˈatëdët mä tijaty mˈijxypy (Matewʉ 5:29, 30). Panëjkxë yˈijxpajtënë Job, diˈib ojts tkajpxyˈaty mëdë wyiin ko ninäˈä tkaˈixäˈänyë wiink toxytyëjk mëdë wiink tsojkën (Job 31:1). Pëjtäˈägë mwinmäˈäny ets ninäˈä xykyaˈixëdë pornografía. Ets ninuˈun xykyanasˈixët parë myëjwindëkëdë wiink tsojkën mët tuˈugë jäˈäy diˈib kyaj xyjamyëëdëty.

Tuˈugë yetyëjk kasäädë tmëdatyë nyëdoˈoxyë ryetratë mä tyuny

DIˈIB MBÄÄT XYTYUNY:

Tukˈixë wiink jäˈäy ko mëk xywyintsëˈëgë ja mjamyëët
Wintsëˈëgë wiˈix nyayjawëty ja mjamyëët ets yajjëjpkëxë mnaymyayë diˈib wiink yajnayjäˈäwëp