Tuˈugë kuˈookytyoxytyëjk diˈibë yˈuˈunk jukypyëjk

Nuˈun ja tiempë nyajxy mä kyaj nyekytyuuy, Jyobaa ta tˈanmääyë Elías: “Nëjkx Sarepta. Jam tam tuˈugë kuˈookytyoxytyëjk diˈib myajkayan myaˈuuganëp”. Ko kyäjpndëjkë Elías, ta tˈijxy tuˈugë kuˈookytyoxytyëjk tkäjpmukyë jäˈäxy ets ta tˈamdooy tuk basë nëë. Ko ja toxytyëjk ojts tninëjkxy ja nëë, ta Elías yˈanmääyë: “Tunë mayˈäjtën, nan mmoogyëts tuk pedasë tsäjpkaaky”. Per ja kuˈookytyoxytyëjk ta yˈatsooy: “Kyaj mbäät nmoˈoy, pes kyajts ti tsäjpkaaky nmëdaty. Yëˈëyëts waanë arinë nmëdäjtypy etsë aseytë parëts nyaˈoyëdë nˈuˈungë kyaˈay yˈukën ets parë ëjts”. Elías ta yˈatsooy: “Jyobaa yëˈëts të xyˈanëëmë ko pën myaˈoˈoyëp tuˈugë tsäjpkaagyuˈunk parë ëjts, ta mˈaseytë etsë mˈarinë kyaj yˈagëxëyaˈany axtë koonëm jatëgok tyuˈujët”.

Ta tyäˈädë toxytyëjk ojts nyijkxy mä tyëjk ets ta ojts dyaˈoyë ja tsäjpkaaky parë ja Jyobaa kyugajpxy. Jyobaa kyuytyuunë yˈayuk, pes ja kuˈookytyoxytyëjk mët ja yˈuˈunk kyaj dyajtëgoyˈäjttë kyaˈay yˈukën nuˈun ja yuu jyamˈäjty. Ja yˈarinë tuˈts ets ja yˈaseitë tuˈts ninäˈä kyatukwatsy.

Ok, ta mëjwiin kajaa yˈayoˈonbattë. Pes ta pyäˈämbejty ja kuˈookytyoxytyëjkë myäänguˈunk ets ta yˈoˈky. Ta mëktaˈaky tˈanmääyë Elías parë pyudëkëdët. Elías ta ojts tˈaxäjë ja uˈunk ets ta ojts tmëbatëkë mä tuˈugë kuartë diˈibë nety jam anikëjxy. Ta net tkoˈky wëëtykyëjxy ets nyuˈkxtaky: “Jyobaa tunë mayˈäjtën, yajjukypyëkë tyäˈädë mixyuˈunk”. ¿Mnijäˈäwëp tiko nety mëjˈixy mëjmëdoy yajjawëyaˈany ko Jyobaa dyajjukypyëkët? Yëˈko nituˈuknëmë netyë oˈkpë kyajukypyeky. Ets yëˈë ko tyäˈädë kuˈookytyoxytyëjk mëdë yˈuˈunk kyaj yˈisraelitëty.

Ta ja mixyuˈunk xyajpëjky ets jyukypyejky. Elías ta tˈanmääy ja uˈunktääk: “¡Okˈix! Të ja mˈuˈunk jyukypyeky”. Tyäˈädë toxytyëjk jantsy jotkujk nyayjäˈäwë ets ta tˈanmääyë Elías: “Tyamnëmtsë net nyajtëyˈäjtëndëkë ko jantsy yëˈë Dios myajtuunëp. Pes diˈib mnigajpxypy jam tsyoony mä Jyobaa, pääty xëmë yˈadëy”.