Juan yëˈë yaˈˈawats ja Jesusë nyëˈë tyuˈu

Zacarías mëdë Elisabet yëˈë yˈuˈunkˈäjttë Juan. Jyobaa yëˈë wyinˈijxë Juan parë tyunët kugajpxy ets yëˈë yajtuun parë jäˈäy ojts ttukˈawanë ko tim tsojk myinäˈäny ja Mesías. Per yëˈë kyaj ojts yˈëwaˈkxy kyäjpxwaˈkxy mäjaty ja nax käjpn o mä sinagoogë, jam ojts kyäjpxwaˈkxy mä ja it lugäärë äänëˈëk tëëtsëˈëkpë. Nimay ja jäˈäyëty diˈib Jerusalén ets Judea ojts tninëjkxtë ja Juan parë tmëdoowˈitäˈändë. Juan ta yˈanmääyëdë ko tsojkëp tmastuˈuttëdë axëkˈäjtën parë Dios kyupëkëdët o parë jotkujk dyajnayjawëdët. Pääty, nimayë jäˈäy jyodëmbijttë ets ta Juan yajnëbajtëdë mä ja Jordán mëj nëë.

Juan adëyë jyukyˈajty. Yëˈë wyitˈäjtë kameyë jëmk, ets yëˈë jyëˈxë muˈu etsë seerë päˈäk. Ja jäˈäyëty niˈigyë yˈixyˈatanëdë, axtë ojts nyinëjkxëdë ja fariseety etsë saduseety diˈib mëj këjxm nayjäˈäwëdëp. Ta Juan yˈanmääyëdë: “Tsojkëp mjodëmbittët ets mnayajtëgatsëdët. Mëj mdimnayajnaxëdë mët ko mjënäˈändë ko yëˈë mˈuˈunkˈatëdë Abrahán, per kyaj yëˈë tˈandijy ko mˈuˈunkˈatëdë Dios”.

Nimayë jäˈäy dyajtëëwdë Juan: “¿Tits mbäät ndundë parëtsë Dios xykyupëktët?”. Yëˈë ta yˈatsooy: “Pën jam majtskë mwit, mmoˈoytyë tuˈuk ja diˈib yajtëgoyˈajtypy”. ¿Mnijäˈäwëp tiko duˈun tˈanmääytyë? Yëˈko Juan tsyojkypyë nety parë ja yˈëxpëjkpëty tnijawëdët ko jëjpˈam ets ttsoktëdë jäˈäy parë Dios kyupëkëdët.

Juan nanduˈun tˈanmääy ja yajkugëbajtpëty: “Tundë tijaty tëyˈäjtën myëët ets kyaj pën xywyinˈëëndët”. Ets ja soldäädëtëjk duˈun tˈanmääy: “Këdii mˈandäˈäktë ets këdii xykyupëktë pën meenymyoˈoyëdët”.

Ja saserdotëty ets ja lebitëty nan ojts tninëjkxtë Juan ets tˈanmääytyë: “Niˈamukë jäˈäy nyijawëyandëp mbënën mijts”. Juan ta y’anmääyëdë: “Ëjtsën ja ääw yoˈkn diˈib yajmëdoop mä ja lugäärë äänëˈëk tëëtsëˈëkpë diˈib tyuˈumoobyë jäˈäy mä Jyobaa, duˈun extëm ojts tnaskäjpxë ja kugajpxy Isaías”.

Ja jäˈäy jyantsy yˈoymyëdoowdë tijatyë Juan tukniˈˈijxë, ets nimay tnijawëyandë pën yëˈë duˈun ja Mesías. Päätyë Juan yˈanmääyëdë: “Tim tsojk myinäˈäny ja diˈib mas kumëjääw. Kyajts xynyitëkë etsëts ja kyëˈëk njaanët. Miitsëty nyajnëbattë mëdë nëë, per yëˈë myajnëbatäˈänëdë mëdë espiritë santë”.