Jesus yëˈë tyam Mesías

Juan të nety duˈun kyäjpxwaˈkxy: “Tim tsojk myinäˈäny ja diˈib mas kumëjääw”. Ko netyë Jesusë jyëmëjt naa 30, ta tsyoˈony Galilea ets ojts nyijkxy mä Jordán mëjnëë. Tamë netyë Juan dyajnëbetyë jäˈäy. Jesus yëˈë nety tsyojkypy etsë Juan nanduˈun yajnëbatëdët, perë Juan ta jyënany: “Kyajxyëbëts mbäät mijts nyajnëbety. Mijtsxyëbëts xyyajnëbajtp”. Jesus ta tˈatsooy: “Jyobaa yëˈë tsyojkypy etsëts mijts xyyajnëbatët”. Ta tyëjkëdë mä ja Jordán mëjnëë, etsë Juan ta dyajnipeˈtsyë Jesus.

Ko Jesus pyëtsëëmy nëjoty, ta tmënuˈkxtakyë Jyobaa. Ta ja tsäjp yˈawatsy, ets ja Diosë myëjääw kyëdaky extëm tuˈugë palomë. Ta netë Jyobaa ojts kyajpxy desde tsäjpotm: “Mijtsën nˈUˈunkˈäjtypy diˈibëts ntsojkypy. Ets mijtsën ngupëjkypy”.

Duˈunë Jesus ojts tˈaxäjë ja Jyobaa myëjääw, ets desde jaa jyajty Kristë o Mesías. Ta net dyajtsondaky ja tuunk diˈibë Jyobaa tuknipëjkë yä naxwiiny.

Jantsy jeˈeyë Jesus nyëbajtääy, ta ojts nyijkxy mä ja lugäärë äänëˈëk tëëtsëˈëkpë ets ja jam yˈijty 40 xyëëw. Ko jyëmbijty, ta ojts tninëjkxyë Juan. Juan ta tˈijxy ko Jesus myëwingonyëty ets ta jyënany: “Tyäˈädë duˈun ja Diosë Byorreeguˈunk diˈib yajjëjptëgoyaampy ja poky yä naxwiiny”. Ko duˈun jyënany, yëˈë parë jäˈäy tpëktëdë kuentë ko Jesus, yëˈë duˈun ja Mesías. ¿Mnijäˈäwëp wiˈix jyajtyë Jesus ko yajpaty mä ja lugäärë äänëˈëk tëëtsëˈëkpë? Min nˈokˈijxëm.