Pablo yajmënëjkxy Roma

Mä ja myëdëgëkˈokpë byäjë diˈib tyuunë Pablo jam dyajjëjpkëjxy Jerusalén ets jam yajmäjtsy. Mä tuˈugë koots, tapë netyë Pablo pujxndëgoty ko Jesus ojts myëgajpxyëty mä tuˈugë kumäˈäy: “Jam myajmënëjkxäˈäny Roma ets jam mgäjpxwäˈkxët”. Ta Pablo ojts yajmëtsoony Jerusalén ets ojts yajmënëjkxy Cesarea. Ja jam yˈijty pujxndëgoty majtsk jëmëjt. Tëgok, ko netyë Pablo yajpääty mä ja yajkutujkpë Festo, ta tˈanmääy: “Jamëts nyajpayoˈoyaˈany Roma mä César yˈaneˈemy”. Festo ta yˈatsooy: “Pën yëˈë mtsojkypy etsë César mbayoˈoyëdët, tyam jam ngaxët”. Ta netë Pablo pyejty mä tuˈugë barkë diˈib nëjkxp Roma. Yëˈë jamyëdäjtëdë Lucas etsë Aristarco.

Ko nety tyuˈuyoˈoynyëdë mejnyoty, ta myiinyë mëk poj tuu ets kanäk xëëw duˈun yˈijty, kyaj mbäät ojts nyekytyuˈuyoˈoytyë. Niˈamukë ja jäˈäy wyinmääytyë ko oˈktäˈäyandëp. Perë Pablo, ta yˈanmääyëdë: “Mëguˈuktëjk, duˈunëts tuˈugë anklës të xyˈanëëmë mä tuˈugë kumäˈäy: Këdii mtsëˈëgë. Mjäˈtäämp Roma ets niˈamukë pënaty jap barkoty tsoˈogandëp. Pääty, ¡ittë amëk jotmëk! Kyaj nˈoogäˈänëm”.

Ja 14 xëëw ojts ttukˈyoˈoytyë ja mejny mä ja mëk poj tuu, taanëmë net tˈijxtë ja nax. Yëˈëdëmë nety ja isla diˈib Malta. Ta ja barkë jyaˈanë ets ojts yˈadëj tyuktëjkë, per ja 276 diˈibë nety jap miindëp kyaj wiˈix jyäjttë, oy mëk jyäjttë mejnybyëˈääy. Nääk ojts nyëëyundë o yäˈäwdë ets nääk, yëˈë myäjtstë ja barkë tuktëjë parë kyaj kyindët. Ja jäˈäyëty diˈib tsënääytyëp Malta yëˈë diˈib pudëjkëdë ets ojts dyajmëjëdë jëën parë nyayˈajokxëdët.

Ko nyajxy tëgëk poˈo, ta ja soldäädëty ojts tmënëjkxtë Pablo jam Roma mä wiinkpë barkë. Ets ko jam jyajty, ta ja myëguˈuktëjk ojts jyëjpäädëˈëgëdë. Ko Pablo duˈun tˈijxy, ta tmooyë dyoskujuyëmë Dios ets jotkujkmooyë. Oyë netyë Pablo yˈity tsumy, yajnasˈijxë parë yˈitët mä tuˈugë tëjk diˈib yaˈˈajuytyujkp, jeˈeyë ko yëˈë kuentˈäjtëp tuˈugë soldäädë. Jaˈa jap yˈijty majtsk jëmëjt. Ko ijtyë jäˈäy kyuˈixëdë, ta ttukmëtmaytyaˈaky ja Diosë yˈAnaˈam Kyutujkën ets tijatyë Jesus tukniˈˈijxë. Pablo nan ojts tjäˈäyë neky parë ja tuˈukmujkënë diˈibë nety Asia Menor ets Judea. Tyäˈädë yëˈë yajxon yajnigëxëˈkypy ko Jyobaa yëˈë yajtuunë Pablo parë ojts tnimaytyaˈaky ja oybyë ayuk mä kanäägë it lugäär.