ËY 114
Nˈokˈyaˈijxëmë maˈkxtujkën
(Santya̱ˈa̱gʉ 5:8)
1. Jyobaa kyaj tkupëkäˈäny ets
nëxiˈiky tukxiˈiky wyëˈëmët ja xyëëw.
Tsojk ja xyëëw dyajwäˈätsäˈäny mä
axëëk dyajwëˈëmdë tyamë jäˈäy.
Kanäk jëmëjtë Dios kujk
tmëmadaˈaky maˈkxtujkën myëët
wiˈix mayë jäˈäy jyukyˈattë
axëëk tuˈuk tuˈugë xëëw.
Yëˈë tsyojkypy ets ja oyjyaˈayëty
nyitsoˈoktët mä myiny ja myëj xëëw.
Dios kyaj ttsoky ngutëgoˈoyëm,
pääty ojts xykyuˈoˈkëmë Jesus.
2. Jyobaa tsyojkypy ets nmaˈkxtujkëm,
duˈuntsoo njäˈäyˈäjtëm extëm yëˈë.
Kyaj pojën njotˈambëjkëm
ets kyaj nˈëxtäˈäyëm ja jëën tsip.
Kyaj yëˈëyë nˈijxëm ti ja
nmëguˈukˈäjtëm oy kyatuumpy.
Pes diˈib myëdäjtypyë tsojkën,
oyjyaˈay, tsojkp ets maˈkxtujkp.
Duˈun tuˈugyë nëjkx nyajpatëm
ets nˈijtëm jantsy agujk jotkujk.
Ets duˈun nëjkx niˈˈijxtutëm
ja Dios diˈib kyaj myaˈkxtujkën kyexy.
(Käjpx nanduˈunë Éx. 34:14; Is. 40:28; 1 Kor. 13:4, 7; 1 Tim. 2:4).