Nˈokmëmaˈkxtujkëmë jäˈäy mä ngäjpxwäˈkxëm

1. ¿Wiˈixë Jyobaa dyaˈixyëtyë myaˈkxtujkën mä naxwinyëdë jäˈäy?

¹ Dios jyantsy myëmaˈkxtujkypyë naxwinyëdë jäˈäy (Éxo. 34:6; Sal. 106:41-45; 2 Peed. 3:9). Tuk peky wiˈix dyajnigëxeˈeky, yëˈë ko abëtsemy naxwinyëdë yajkäjpxwaˈkxyë yˈAnaˈamën. Tam nyëjkxkojnë naa majtsk mil jëmëjt mä Jyobaa tmëjwoyë jäˈäy diˈib mëwingonanëdëp ets tyam duˈunyëm ttuunˈadëˈëtsy (Fwank 6:44). ¿Wiˈix mbäät niˈˈijxtutëmë Jyobaa myaˈkxtujkën mä nˈëwäˈkx ngäjpxwäˈkxëm?

2. ¿Wiˈix mbäät nyaˈijxëmë maˈkxtujkën mä nˈëwäˈkx ngäjpxwäˈkxëm?

² Ngäjpxwäˈkxëm tëjkm dëjkm. Yëˈë Jyobaa niˈˈijxtutëmë myaˈkxtujkën ko nˈëwäˈkx ngäjpxwäˈkxëm “bom bom” mä jäˈäy diˈib kyaj tmëdowäˈäny (Apos. 5:42). Nmëmaˈkxtujkëmë jäˈäy diˈib kyaj tmëdowäˈändë, diˈib xynyixik xytyukxikëm ets diˈib xymyëtsipˈäjtëm ko ngäjpxwäˈkxëm (Mar. 13:12, 13). Nanduˈun nyaˈijxëmë maˈkxtujkën ko nduˈunëmë mëjää parë nip ngojëm ja tëëm diˈib mä tëyˈäjtën, oy nuˈun xytsyiptakxëm parë nbatëmë jäˈäy mä jyëën tyëjk diˈib nyijawëyaambyë tëyˈäjtën.

3. ¿Tiko tsyekyëty nmëdäjtëmë maˈkxtujkën ko jatëgokë jäˈäy nijëmbijtëm ets ko nyaˈëxpëjkëm?

³ Pënaty nyaˈëxpëjkëm. Ko nnipëm tuˈugë ujts tëëm, tsojkëp mëjwiin kajaa maˈkxtujkën. Mbäät nyajxoˈkëm, per kyaj mbäät tsojkˈam nyajˈyoˈonëm (Sant. 5:7). Nanduˈun jyaty mä Diosë jyaˈa, wanaty wanaty tuˈugë jäˈäy wyimbety (Mar. 4:28). Waˈan ja diˈib nyaˈëxpëjkëm tsyiptakxëdët tmastuˈudët tijaty myëbejkypy o ja kyostumbrë diˈibë Biiblyë yajkubojkypy. Kyaj mbäät nˈawijxëm ets pojˈamë jäˈäy nyayajtëgatsëdët, oy ko nmëmaˈkxtujkëm ets nmoˈoyëmë tiempë parë Diosë jyot myëjää tyunët mä ja jäˈäyë jyot kyorasoon (1 Kor. 3:6, 7).

4. ¿Wiˈixë maˈkxtujkën xypyudëjkëm parë oy ja jiiky mëguˈuk nmëtmaytyakëm diˈib kyaj yˈëxpëktë?

⁴ Jiiky mëguˈuk diˈib kyaj yˈëxpëktë. Ntsojkëm etsë jiiky mëguˈuk tnijawëdët ja tëyˈäjtën, ets nmëdäjtëmë maˈkxtujkën ko nˈëxtäˈäyëmë tiempë näˈä mbäät ndukmëtmaytyakëm diˈib nmëbëjkëm, ets kyaj net kajaa tijaty njantsy tyukmëtmaytyakëm (Ecl. 3:1, 7). Per mientrës, ta ndukˈijxëm wiˈix tijaty nduˈunëm mët ko nnijäˈäjëmë tëyˈäjtën. Ets nnayjëjpˈijxëm parë ndukmëtmaytyakëmë mëbëjkën mëdë mayˈäjt wintsëˈkën etsë maˈkxtujkën (1 Peed. 3:1, 15). Mbäät nˈijtëm seguurë ko pën nmëdäjtëmë maˈkxtujkën, nëjkxëp oyë jäˈäy nyaˈëxpëjkëm ets nëjkxëbë Jyobaa ttukjotkëdaˈaky mëjwiin kajaa.