Diˈib myajtukˈawäˈänëdëp

REUNYONK DIˈIB YAJTUNÄÄMP

PËNATY TUNANDËP BETEL. Pënaty tunandëp Betel diˈibë jyëmëjt axtë 35, yaˈˈanmääytyëp ets nyëjkxtët sääbëdë tsuu mä tyäˈädë reu­nyonk. Yajnigäjpxäämp ti oorë tyunäˈänyëty ets mää.

ESKUELË PARË PËNATY KYÄJPXWÄˈKXTËBË DIOSË KYUTUJKËN. Yëˈë prekursoorëty diˈib niˈigyë yajmëjwindëkëyandëbë Diosë tyuunk, diˈibë jyëmëjt 23 axtë 65, yaˈˈanmääytyëp ets nyëjkxtët Domingë tsuu mä tyäˈädë reunyonk. Yajnigäjpxäämp ti oorë tyunäˈänyëty ets mää.

DIˈIB MYAJTUKˈAWÄˈÄNËDËP

YËˈË NMËGUˈUKˈÄJTËM DIˈIB XYMYOˈOYËMË LUGÄÄR. Yëˈëjëty xypyudëkëyäˈänëm. Mbäät xytyuny extëm ko mˈanëˈëmxëdët mä xyyajwëˈëmëdë mgarrë, mätsoo mnaxët ets näägë unyaaybyajn xynyiwäˈänët.

PËNATY NËBATANDËP. Wëˈëmäämbë lugäär jëjpˈam parë pënaty nëbatandëp. Ets oy ko tpäättëdë yˈunyaaybyajn mä kyatsondaˈakynyëm ja diskursë diˈib naxäämp sääbëdë parë pënaty nëbatandëp. Niˈamukë tmënëjkxtëdë tuayë ets wyitë tsuj yajxonbë diˈib myënëbatandëp.

NYAJKËMË MEENY SENTÄÄBË TSOJKËNGYËJXM. Kajaa të tyunyë meeny sentääbë parë të yajniˈˈijxëtyaˈay extëmë unyaaybyajn, soniidë, bideo ets tijaty nyajtuˈunëm parë mbäät tsuj yajxon nmëdoowˈijtëmë asamblee ets niˈigyë nmëwingoˈonëmë Jyobaa. Meeny sentääbë diˈib mnayäjktëp, yëˈë tuump parë tijaty yajkujuuytyaˈay ets parë yajtunyë Diosë tyuunk abëtsemy nyaxwinyëdë. Të yajpëjtaˈaky kanäägë käjë mä mbäät nbëjtakëmë meeny sentääbë ets yajkukäjpxëp. Diˈib wyoowˈyoˈoytyëbë Jyobaa tyestiigëty, kyukäjpxëdëp ko mˈoyjyaˈaytyäˈäktë parë xypyudëkëdë Diosë tyuunk.

MÄ TSOOY YAJˈYAKY. Jamyats ko YËˈËYË jap nëjkxtëp pënaty AJOTKUMONË päˈämbajttëp.

MÄ NYIPETY TIJATY TËGOOPY. Pën jam ti xypyaaty, këyak mä nyipety tijaty tëgoopy. Ets pën të ti xyyajtëgoy, nëjkx jap yajnidëwë. Nan jap yajmënëjkxëdë ënäˈkuˈunk diˈib të tyëgoytyë. Per pënaty jap tuundëp kyaj të yajpëjtäˈäktë ets tkuentˈattëdë ënäˈkuˈunk. Pääty, tunë mayˈäjtën ijxˈit kuentˈattë mˈuˈunk mˈënäˈk ets waˈan kyaj mmastuˈudëdë.

UNYAAYBYAJN. Myaˈˈanmääytyëp ets xyjamyatsët ko wiinkpë nan tsyojktëbë yˈunyaaybyajn. Yëˈëyë mbäät xynyiwäˈänyë lyugäär ja diˈib mëët mdukfamilyëty, pënaty mëët të mnëjkxtë mä asamblee ets pënaty myaˈëxpëjkypy. Këdii xyˈagoondukyë unyaaybyajn diˈib kyaj xyyajtunäˈäny.

PËNATY TSOJKËNGYËJXM TUNANDËP. Pën mdunäämp tsojkëngyëjxm mä tyäˈädë asamblee, nëjkx ­mnayˈawanëty mä tyäˈädë departamentë.