Tukniˈˈixë mëdë ijxpajtën

Matewʉ 13:34, 35

¿TI YˈANDIJPY? Ko xyyajtsujtëkët tijatyë jäˈäy mdukniˈˈijxëp mëdë ijxpajtën diˈib pojën yajjaygyukëp, diˈib yaˈoymyëdowëp ets diˈib mbäät tijaty tyukniˈˈixëty.

WIˈIX YAJTUNÄˈÄNY:

• Winˈixë ijxpajtën diˈib pojën yajjaygyukëp. Panëjkxë Jesusë yˈijxpajtën ko xyyajtunët diˈib mutskaty parë xynyimaytyäˈägët diˈib mëjwiin kajaa, ets yajtun tijatyë jäˈäy yˈixyˈajtypy parë xynyimaytyäˈägët wingëjxy diˈib tsip yajjaygyujkëp. Këdii nëgoo tijaty xykyumaytyäägë, net kyaj tsip yajjaygyukët ja ijxpajtën. Ix yajxon pën ja ijxpajtën naymyënëjkxëp mët diˈibë jäˈäy mdukniˈˈixëyaampy, net kyaj xykyujoˈobët.

• Winmay pën yajjaygyukëp. Yëˈë yajtunë ijxpajtën diˈibë jäˈäy yˈixyˈajtypy o yëˈë nimaytyäˈäk diˈib nyijawëyandëp. Ix parë kyaj axëëk xyyajnayjyawëdët o parë kyaj dyajpokët.

• Nimaytyäˈäk ti mdukniˈˈixëyaampy mët ja ijxpajtën. Jaayë ijxpajtën xypyëjtäˈägët mä diˈib jëjpˈam mnimaytyäˈägaampy. Ix parë jäˈäy tjamyatsët ti të tyukniˈˈixëty ets kyaj yëˈëyë tjamyatsët ja ijxpajtën.