¿Wiˈix mbäädë Biiblyë xypyudëjkëm?

Nimay ëtsäjtëm nnijawëyäˈänëm tiko duˈun yˈixëtyë yäˈädë jukyˈäjtën, tiko nˈayoˈowëm, nˈoˈkëm ets ti mëdiˈibë miimp këdakp. Nmëmäˈäy nmëdäjëm nanduˈun wiˈix tuˈuk tuˈugë xëëw nyajnäjxëm, extëm wiˈix nbatëmë meeny sentääbë o wiˈix nyajpatëm jotkujk mëdë familyë. Mayë jäˈäy të tpëktë kuentë ko Biiblyë xytyuknijäˈäwëm ja tëyˈäjtënë ets ko xymyoˈoyëmë oybyë käjpxwijën. ¿Ja pën xyˈixyˈaty mëdiˈibë Biiblyë mbäät pyudëkëty?

1. ¿Tijatyë Biiblyë yˈatsoowëmbijtypy?

Biiblyë yˈatsoowëmbijtypy extëm, ¿wiˈix tsyonëˈky tsyondakyë jukyˈäjtën?, ¿tiko yä nyajpatëm?, ¿tiko yˈayoyë naxwinyëdë jäˈäy?, ¿jukyˈäjtˈadëtsëm wiinktsoo ko nˈoˈkëm?, ¿tiko nëgoo tyim jaˈäjnë tsip ets pën niˈamukë yëˈë njatsojkëmë jotkujkˈäjtën?, ¿wiˈixëdaa yäˈädë Naxwinyëdë jyatäˈäny? Biiblyë xyˈanmäˈäyëm ets jap nbayeˈeyëm wiˈix yaˈˈatsoowëmbity. Miyonkˈamë jäˈäy mëdiˈibë duˈun të ttundë agujk jotkujk tyam nyayjyawëdë ko të tnijawëdë.

2. ¿Wiˈixë Biiblyë xypyudëjkëm parë njukyˈäjtëm agujk jotkujk?

Biiblyë myëmiimbyë oybyë ëwij käjpxwijën. Extëm nˈokpëjktakëm, nyimaytyakypy wiˈix mbäädë nfamilyëˈäjtëm yˈity agujk jotkujk, wiˈix kyaj nëgoo tijaty ndimymyëmäˈäy ndimymyëdäjëm ets wiˈix ndukxondakëm ja tuunk ayoˈon. Ko xynyijawët wiˈixë Biiblyë tnimaytyaˈaky, ta xypyëkäˈänyë kuentë ko ja “Diosë jyaaybyajtën” mbäät xypyudëjkëm (2 Timotee 3:16).

AK NIJAWË NIˈIGYË

Min nˈokˈijxëm wiˈix mayë jäˈäy të pyudëkëdë Biiblyë, ti mbäät xytyuny parë xytyukxondäˈägët ko xykyäjpxët ets tiko yˈoyëty myajpudëkët parë xyjaygyukët.

3. Biiblyë mbäät xytyuˈumoˈoyëm

Biiblyë duˈun tyuny extëm tuˈugë lamprë mëdiˈibë xykyudëˈkxëm nëˈääy tuˈääy. Mbäät xynyëˈëmoˈoy xytyuˈumoˈoyëm mä jukyˈäjtën ets xytyuknijäˈäwëm ti miin këdakp.

Käjpxtë Salmo 119:105 ets nimaytyäˈäktë mëdiˈibë yä yajtëëpy:

• Ja mëdiˈibë jyaayë yäˈädë Salmo, ¿wiˈixë nety tˈixyë Diosë yˈAyuk?

• Ets mijts, ¿wiˈix xyˈixyë Diosë yˈAyuk?

4. Biiblyë xytyuknijäˈäwëm tijaty nmëmäˈäy nmëdäjëm

BIDEO: Ninäˈä mgawinmayët ko tëdën kyaˈoyë ja mjotmay (1:48)

• Extëm të xyˈixy mä bideo, ¿tijatyë nety ja toxytyëjk nyijawëyaampy?

• ¿Wiˈix pyudëjkë ko tˈëxpëjkyë Biiblyë?

Biiblyë xyˈanmäˈäyëm ets nbayeˈeyëm tijaty nnijawëyäˈänëm. Käjpxtë Matewʉ 7:7 ets nimaytyäˈäktë mëdiˈibë yä yajtëëpy:

• Wiˈix mˈokjënäˈäny, ¿japëdaa myiny mä Biiblyë tijaty mjanijawëyaampy? ¿Ti mëdiˈibë mijts mjanijawëyaampy?

5. Mbäät ndukxondakëm ko ngäjpxëmë Biiblyë

BIDEO: Ngäjpxëmë Biiblyë (2:05)

• Extëm të xyˈixy mä bideo, ¿tsyojkënyëˈäjttëp nyokykyäjpxäˈändë ënäˈktëjk?

• Per ¿tiko net tkäjpxäˈändë Biiblyë?

Tijatyë Biiblyë xytyukniˈˈijxëm, mbäät xypyudëjkëm ets xyˈagujkmoˈoy xyjotkujkmoˈoyëm. Käjpxtë Romanʉs 15:4 ets nimaytyäˈäktë mëdiˈibë yä yajtëëpy:

• ¿Mˈaknijawëyaampy wiˈixë Biiblyë xyˈagujkmoˈoy xyjyotkujkmoˈoyëm?

6. Mbäät njaygyujkëm tijatyë Biiblyë myaytyakypy ko pën xytyukmëtmaytyakëm

Mayë jäˈäy kyäjpxtëbë Biiblyë naytyuˈuk, per të tpëktë kuentë ko mas niˈigyë tjaygyukëdë ko jam pën pyudëkëdë. Käjpxtë Apostʉlʉty o Hechos 8:26-31 ets nimaytyäˈäktë mëdiˈibë yä yajtëëpy:

• ¿Ti naybyudëkë ntsojkëm parë njaygyujkëmë Biiblyë? (Ixtë bersikulo 30 etsë 31).

Ti TË NJÄJTËM

Biiblyë xymyoˈoyëmë oybyë ëwij käjpxwijën, yˈatsoowëmbijtypy tijaty nnijawëyäˈänëm ets xyˈawäˈänëmë agujkˈäjt jotkujkˈäjtën.

Ajamyatsë

• ¿Tijaty käjpxwijënë miimp mä Biiblyë?

• ¿Tijatyë Biiblyë yˈatsoowëmbijtypy?

• ¿Tijaty mijts mjanijawëyaampy mä Biiblyë?

AK PAYEˈEY

Nijawë tiko Biiblyë yˈëwij kyäjpxwijën mbäät tyam xypyudëjkëm.

“Ja ëwij käjpxwijën mëdiˈibë miimp mä Biiblyë kyaj nyaxy, xëmë xypyudëkëyäˈänëm” (Diˈib Xytyukˈawäˈänëm, num. 1 2018)

Ix wiˈixë Biiblyë tpudëjkë tuˈugë yetyëjk mëdiˈibë nety kyaj jotkujk nyayjyawëty desde ko myutskˈäjty.

Wiˈixëts njukyˈäjttsondaky agujk jotkujk (2:53)

Nijawë tijaty käjpxwijënë Biiblyë yajkypy parë mbäädë mfamilyë yˈity agujk jotkujk.

“Mäjmajtsk pëky mëdiˈibë mbäät xytyuny parë mfamilyë yˈittët jotkujk” (¡Despertad!, num. 2 2018)

Mayë jäˈäy wyinmaytyë ko Dios yëˈë anaˈamp yä Naxwiiny, per nijawë wiˈixë Biiblyë tnimaytyaˈaky.

¿Tiko xyˈëxpëkëdë Biiblyë? (mëdiˈibë kaˈpxy miimp) (3:14)