Nijawë Diosë yˈAyuk

¿Tiko Dios tnasˈixë axëkˈäjtën etsë ayoˈon tsäätsyjäjtën?

Tyäˈädë artikulo yëˈë mbudëkëyanëp ets mä mBiiblyë xypyäädët wiˈix yaˈˈatsoojëmbity tijaty mnayajtëëjëp. Ets pën mtsojkënyëˈajtypy mbäät mëdë Jyobaa tyestiigë xyˈëxpëktë.

1. ¿Wiˈix tsyondakyë axëkˈäjtën?

Ja tsyondakyë axëkˈäjtën ko Satanás tim jawyiin yˈandaky. Dios ojts yajkojˈyëty wäˈäts ets oyjyaˈay, per kyaj “[ttuuny] diˈibë tëyˈäjtën” (Fwank 8:44). Ojts dyajmëjwindëkë ja tsojkën parë yaˈˈawdatët, diˈib yëˈëyë patëbë Dios. Twinˈëˈënyë Eva, ja tim jawyiimbë toxytyëjk, parë yëˈë yajmëmëdowët ets kyaj yëˈëjëtyë Dios. Adán, ta nanduˈun tmëdëgooyë Dios, pääty axtë tyambäädë tyëëm yˈääts yˈayowdë ets yˈooktë. (Käjpxë Génesis 3:1-6, 17-19.)

Ko Satanás tˈanmääyë Eva ets tkajpxykyutëjëdë Dios, yëˈë naty nyibëdeˈkypy ja kutujkënë diˈibë Dios myëdäjtypy parë yˈanaˈamët. Mayë jäˈäy tjëjpkudijëdë Dios extëmë yˈAnaˈambë, ta tpuwäˈägëdë Satanás, duˈuntsoo Satanás jyëmbity extëm “diˈibë anaˈamp” yä naxwiiny. (Käjpxë Fwank 14:30; Diˈibʉ Jatanʉp [Apocalipsis] 12:9.)

2. ¿Waˈanë Dios mäˈät tijaty ojts dyajkojy?

Dios ojts dyajkojˈyë jäˈäy etsë anklës extëm mbäät myëmëdowëdë (Deuteronomio 32:4, 5). Dios ojts xyajkojëm parë mbäät nwinˈijxëm pën ndunäˈänëm diˈib oy o diˈib axëëk. Ets mët ko duˈun ojts xyajkojëm, mbäät ndukˈijxëm ko ntsojkëm. (Käjpxë Santya̱ˈa̱gʉ 1:13-15; 1 Fwank 5:3.)

3. ¿Tiko Dios tnasˈixë ayoˈon?

Jyobaa të tuk tiempë tnasˈixë parë yajnibëdëˈëgët ja kutujkën diˈib myëdäjtypy. ¿Tiko? Parë nyigëxëˈëgët ko nituˈugë gobiernë mbäät tkapudëkë naxwinyëdë jäˈäy (Jeremías 10:23). Ets yajxon tyäˈädë tyëyˈäjtëndëkë nuˈun kujk nyaxy 6,000 jëmëjt. Anaˈambëtëjk kyaj myayëdë dyajjëjptëgoyëdë tsip, naytyëytyunë, axëkjäˈäytyëjk etsë yuu päˈäm. (Käjpxë Eclesiastés 7:29; 8:9; Romanʉs 9:17.)

Per pënaty nyasˈijxëdëp etsë Dios tyuˈumoˈoyëdët, këˈëm ttukˈoyˈattë (Isaías 48:17, 18). Tim tsojkë Jyobaa dyajkutëgoyaˈanyë anaˈambëtëjk. Ets yëˈëyë jukyˈatandëp yä Naxwiiny pënaty pyuwäˈkëdëbë Diosë yˈanaˈamën (Isaías 2:3, 4; 11:9; käjpxë Daniel 2:44).

4. ¿Ti mbäät nduˈunëm mientrësë Dios myaˈkxtuky?

Satanás ojts jyënaˈany ko nituˈugë naxwinyëdë jäˈäy tkamëmëdowët xëmë Dios. Pääty ko Dios myaˈkxtuky, ta mbäät nyaˈijxëm pën yëˈë nbuwäˈkëmë Diosë yˈanaˈamën o pën yëˈë naxwinyëdë jäˈäy. (Käjpxë Job 1:8-11; Proverbios 27:11.)

5. ¿Wiˈix nbuwäˈkëmë Dios?

Ko nˈëxtäˈäyëm ets nbaduˈunëmë relijyongë tëyˈäjtënbë diˈibë tyukniˈˈijxënë yajtsoˈondëp mä Biiblyë (Fwank 4:23). Ets ko kyaj nduktëjkëmë politikë etsë tsip diˈib naxwinyëdë jäˈäy myëdäjttëp extëmë Jesus ttuny. (Käjpxë Fwank 17:14.)

Satanás yëˈë yajtuumbyë myëjää parë dyajmëjwindëkë axëëkpë jukyˈäjtën mä jäˈäy yˈit tsyëënëdë. Ko njëjpkudijëmë duˈumbë jukyˈäjtën, mbäädë mëtnaymyaayëbë o jiiky mëguˈuk xynyixik xytyukxikëm o xymyëtsipˈäjtëm (1 Peedrʉ 4:3, 4). Pääty, jëjpˈam ets nwinˈijxëm ti ndunäˈänëm. ¿Tuˈukmukäˈänëm mëdë jäˈäy diˈib tsyojktëbë Dios? ¿Nmëmëdowäˈänëmë Diosë yˈanaˈamën? Ko duˈun nduˈunëm, ta nëjkx nyajnigëxëˈkëm ko Satanás andak ko jyënany nituˈugë jäˈäy tkamëmëdowëdë Dios. (Käjpxë 1 Korintʉ 6:9, 10; 15:33.)

Pën mˈaknijawëyaampy, ixë kapitulo 11 mä tyäˈädë liibrë, diˈib yajpëtsëëmdëbë Jyobaa tyestiigëty.

[Letrë diˈib miimp mä dibujë mä pajina 22]

Kyaj yˈoybyëtseemy diˈibë Adán wyinˈijx

[Letrë diˈib miimp mä dibujë mä pajina 23]

Tijaty nwinˈijxëm ndunäˈänëm, yëˈë yajnigëxëˈëgaampy pën ntsojkëm etsë Dios xytyuˈumoˈoyëm