YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Pën yˈaneˈembyë naxwinyëdë jäˈäy?

Mayë jäˈäy wyinmaytyë ko Dios yëˈë yˈaneˈembyë naxwinyëdë jäˈäy. Per koxyëp jyantsy tyëyˈäjtënëty, ¿waˈanxyëp jyaˈˈatyë ayoˈon? (Deuteronomio 32:4, 5.) Biiblyë jyënaˈany ko naxwinyëdë jäˈäy, yëˈë këˈamˈäjtëp tuˈugë anaˈambë diˈib mëk axëkjäˈäy. (Käjpxë 1 Fwank 5:19.)

Per ¿wiˈix ko yëˈë tˈaneˈemyë naxwinyëdë jäˈäy? Ko tsyondakyë jukyˈäjtën, ta tuˈugë anklës, Satanás, tmëbokytyuunyë Dios ets nanduˈun dyajtëgooy ja tim jawyiimbë yetyëjk ets ja toxytyëjk (Génesis 3:1-6). Tyäˈädë tim jawyiimbë kasäädë jäˈäy, yëˈë myëmëdoodë Satanás, duˈun tpuwäˈkëdë ja yˈanaˈamdakn. Perë Dios diˈib myëdäjtypy tukëˈëyë mëkˈäjtën, yëˈëyë myëdäjtypyë madakën parë tˈanaˈamëdë naxwinyëdë jäˈäy, ets tsyejpy parë jäˈäy myëmëdowëdët mët ko tsyokëdë (Deuteronomio 6:6; 30:16, 19). Jotmaymyëët njënäˈänëm ko mayë naxwinyëdë jäˈäy, nan të tyëgoytyë extëm ja tim jawyiimbë yetyëjk etsë toxytyëjk. (Käjpxë Diˈibʉ Jatanʉp [Apocalipsis] 12:9.)

¿Pën yaˈoyëyaambyë naxwinyëdë jäˈäyë yˈamay jyotmay?

¿Waˈandaa Dios tnasˈixët parë Satanás yëˈë xëmë tˈanaˈamëdë naxwinyëdë jäˈäy? Niwiˈixtsoo. Mët yëˈëgyëjxmë Jesukristë, Dios dyaˈoyëyaˈany tijatyë Satanás të dyajwindëgoy. (Käjpxë 1 Fwank 3:8.)

Dios të tmoˈoyë Jesusë kutujkën parë dyajkutëgoyëdë Satanás (Romanʉs 16:20). Taanëmë netë Dios tˈanaˈamäˈänyë naxwinyëdë jäˈäy ets tpudëkëyaˈany parë jyukyˈattët agujk jotkujk extëm ojts ttuknibëjtäägë. (Käjpxë Diˈibʉ Jatanʉp 21:3-5.)

Pën mˈaknijawëyaampy, ixë kapitulo 3 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

Nan mbäät xyajpëtsëmy mä www.jw.org/mco

[Dibujë mä pajina 32]

Koxyëbë Dios tˈaneˈemyë naxwinyëdë jäˈäy, ¿waˈanxyëp jyaˈˈatyë ayoˈon?