YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Mbäät yajmeˈkxyë poky kaytyey?

Biiblyë jyënaˈany ko naxwinyëdë jäˈäy ak pokyjyaˈay. Adán, ja tim jawyiimbë yetyëjk, yëˈë ojts xytyukninäjxëmë poky. Pääty nduˈunëm näˈäty diˈib kyaj yˈoyëty, ta net nmëkjäˈäwëm diˈib të nduˈunëm. Jesukristë, Diosë yˈUˈunk ojts tkuˈoogë poky kaytyey. Ets mët ko ojts yˈooky, ta mbäät yajmeˈkxyë poky kaytyey. Tyäˈädë yëˈë diˈibë Dios të xytyukmayˈäjtëm. (Käjpxë Romanʉs 3:23, 24.)

Ta jäˈäy diˈib të pyokytyundë mëjwiin kajaa ets nyayajtëwëdë pën pokymyaˈkxëdëp näˈä Dios. Mbäät jotkujk nyayjawëdë, pesë Biiblyë jyënaˈany: “Jesukristë nyeˈpyny xyajwatsëm mët tëgekyë nbojpëˈäjtëm” (1 Fwank 1:7). Duˈunë duˈun, Jyobaa pyokymyaˈkxaambyë jäˈäy diˈib pokytyuump mëjwiin kajaa, per net pën jodëmbijtp amumduˈukjot. (Käjpxë Isaías 1:18.)

¿Ti mbäät nduˈunëm parë Dios xypyokymyaˈkxëm?

Pën ntsojkëm etsë Jyobaa xypyokymyaˈkxëm, jëjpˈam ets nˈixyˈäjtëm, njaygyujkëm wiˈix tijaty ttuny, nnijäˈäwëm ja kyäjpxwijën ets ja yˈanaˈamën (Fwank 17:3). Jyobaa pyokymyaˈkxaampy pënaty jodëmbijttëp ets ttundë mëjää parë nyayajtëgatsëdë. (Käjpxë Apostʉlʉty 3:19.)

Mbäädë Dios nyajjotkujkˈäjtëm. Yëˈë jyaygyujkëp ko amääy amutsk nyajpatëm. Jyobaa jantsy oyjyaˈay ets paˈˈayoop. Tyäˈädë yëˈëxyëbë net diˈib mbäät xypyudëjkëm parë nnijäˈäwëm ti mbäät nduˈunëm parë xytyukjotkëdakëm. (Käjpxë Salmo 103:13, 14.)

Pën mˈaknijawëyaampy, ixë kapitulo 5 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

[Dibujë diˈib mä pajina 32]