YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Tiko tsyiptaˈaky jyaˈˈatëdë tuˈugyëˈäjtën abëtsemy nyaxwinyëdë?

Mä Biiblyë majtsk pëky tmaytyaˈaky tiko dyuˈunëty. Tim jawyiin, yëˈë ko kyaj jäˈäy të kyojy ets këˈëm nyaywyooyoˈoyëdët, oy tijaty tjatundë mëjwiin kajaa. Myëmajtsk pëky, yëˈë ko “niˈamukë naxwinyëdë jäˈäy yˈity mä ja axëkjäˈäy dyajtunyë myëkˈäjtën” yëˈë Mëjkuˈu. Pääty, kyaj mbäät tuˈugyë yˈittë naxwinyëdë jäˈäy. (Käjpxë Jeremías 10:23 etsë 1 Juan 5:19, Traducción del Nuevo Mundo.)

Diˈib nanduˈun yajtuˈudujkëdëbë naxwinyëdë jäˈäy parë kyaj yˈittët tuˈugyë, yëˈë ko këˈëm tijaty nyaytyukmëtsokëdë ets mët ko tˈatsoktë tijaty. Parë jyaˈˈatëdë tuˈugyëˈäjtën, tsojkëp tuˈugë gobiernë diˈib anaˈamëp abëtsemy nyaxwinyëdë, tuˈugë gobiernë diˈib tyukniˈˈixëbë jäˈäy ets ttsokët diˈib oy ets nyaytyukjotmaytyunëdëdë wiink jäˈäy. (Käjpxë Isaías 32:17 etsë 48:18, 22.)

¿Pën yajnaxkëdäˈägaambyë tuˈugyëˈäjtën yä Naxwiiny?

Dios diˈib tukëˈëyë mëkˈäjtënë myëdäjtypy, të twandaˈaky dyajnaxkëdäˈägäˈäny tuˈugë gobiernë parë niˈamukë naxwinyëdë jäˈäy ets dyajnitëgatsäˈäny tukëˈëyë gobiernë diˈib yä Naxwiiny (Daniel 2:44). Diosë yˈUˈunk, Jesus, yëˈë diˈib nyigëbäjkˈataambyë tyäˈädë gobiernë, diˈibë Biiblyë tyijpy “Anaˈambë diˈib yajkypyë tuˈugyëˈat”. (Käjpxë Isaías 9:6, 7 etsë 11:4, 9.)

Tyam, ta miyonkˈamë jäˈäy diˈib tyukniˈˈijxëdëbë myëguˈuktëjk parë tuˈugyë jyukyˈattë, mët yëˈëgyëjxm ko Kristë nyëˈëmoˈoy tyuˈumoˈoyëdë ets ko Biiblyë pyudëkëdë. Pääty, tim tsojk jyaˈˈatäˈänyë tuˈugyëˈäjtën. (Käjpxë Isaías 2:3, 4 etsë 54:13.)

Pën mˈaknijawëyaampy, ixë kapitulo 3 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

[Dibujë diˈb mä pajina 32]

Jeˈeyë jyaˈˈaty tuˈugë gobiernë diˈib mbäät dyajtëgäjtsë jäˈäyë jyot kyorasoon ets dyajminëdë tuˈugyëˈäjtën

[Yëˈë të dyakyë dibujë]

Fatmir Boshnjaku