¿Tiko naxwinyëdë jäˈäy kyaj mbäät dyajminyë jotkujkˈäjtën? | ¿Wiˈixë Biiblyë jyënaˈany?

Nituˈugë wintsëndëjk ets nituˈugë organisasion, mbäät tkayajminyë jotkujkˈäjtën. Desde ko tyuunë Segunda Guerra Mundial axtë mä yäˈädë tiempë nëgooyë jäˈäy tsyiptuunëdë. Ja naa 2,000 miyongënë jäˈäy tsyëënëdë mä tyunyëtyë tsip.

¿Tiko naxwinyëdë jäˈäy kyaj mbäät dyajminyë jotkujkˈäjtën? ¿Wiˈixë Biiblyë jyënaˈany?

Tëgëk pëky jyaˈˈaty tiko naxwinyëdë jäˈäy kyaj mbäät dyajminyë jotkujkˈäjtën

1. 1.  Biiblyë jyënaˈany ko mä ndiempëˈäjtëm “ja jäˈäyëty jeˈeyë këˈëm nyaytsyokäˈänëdë, ttsokäˈändë meeny sentääbë, nyayjyawëyäˈänëdë mëj këjxm, nyaymyëjkugäjpxëyäˈänëdë, [...] mäˈät tijaty ttunäˈändë, [...] kyaj nyayjyaygyukëyäˈänëdë, [...] kyaj nyayˈaguwitsëyäˈänëdë, mëk awäˈän jyaˈayˈatäˈändë, [...] yˈitäˈändë mëk kujuun, nyayjyawëyäˈänëdë mëj këjxm”. Mët ko duˈun jyaˈayˈattë, pääty kyaj ttimtundë mëjääw parë dyajjaˈˈattëdë jotkujkˈäjtën (2 Timoteo 3:2-4, TNM).

2. 2. Naxwinyëdë jäˈäy kyaj tmëdattë madakën parë dyaˈoyëdët këˈëm ja yˈamay jyotmay pën kyaj pyudëkëdë Jyobaa,a ja mëdiˈibë të yajkojëdë. Biiblyë jyënaˈany ko “kyaj yëˈë pyaatyëtyë naxwinyëdë jäˈäy mëdiˈibë tuˈuyeˈepy, këˈëm nyaynyëˈëmoˈoy nyaytyuˈumoˈoyëdët” (Jeremías 10:23).

3. 3. Naxwinyëdë jäˈäy yëˈë këˈamˈäjtëp tuˈugë anaˈambë mëdiˈibë axëkjäˈäy ets jantsy kumëjääw ets mëdiˈibë “wyinˈiˈimpy nidëgekyë ja naxwinyëdë jäˈäy” (Diˈibʉ Jatanʉp o Apocalipsis 12:9). ¿Pënën yëˈë? Yëˈë Satanás mëdiˈibë nanduˈun yajtijp “ja axëëkpë”. Pääty myentrësë “naxwinyëdë jäˈäy yajpääty mä ja axëëkpë dyajtunyë myëkˈäjtën” duˈunyëmë jäˈäy tsyiptunäˈändë (1 Juan 5:19, TNM).

¿Pënën yajminaampy ja jotkujkˈäjtën?

Biiblyë jyënaˈany ko yëˈë Dios yajminaambyë jotkujkˈäjtën ets kyaj yëˈëjëtyë naxwinyëdë jäˈäy.

• “Pes ëjts wäˈätsëts nnijawë tijatyëts miitsëty ndukmëtsojktëp, duˈun jyënaˈanyë Jyobaa. Ndukmëtsojkypy mˈitët agujk jotkujk ets kyaj mˈamaybyäät mjotmaybyäädët, ndukmëtsojkypyë oyˈäjtënë mä tiempë myiny kyëdaˈaky” (Jeremías 29:11).

¿Wiˈixë Dios tkuytyunäˈänyë yäˈädë wandakën? Biiblyë jyënaˈany: “Dios diˈibë xymyoˈoyëm ja agujkˈäjt jotkujkˈäjtën, tsojk ttaˈannakëyaˈany yëˈë Satanás” (Romanʉs 16:20). Dios yëˈë yajtunaampy tuˈugë gobiernë mëdiˈibë jam tsäjpotm parë dyajminäˈäny ja jotkujkˈäjtën yä Naxwiiny. Biiblyë ja ttijy “ja Diosë kyutujkën,” ets yëˈë Jesukristë tunäämp Rey (Lukʉs 4:43). Ko netyë Jesus yˈaneˈemy yä Naxwiiny, ta kyaj pën nyekytsyiptunäˈäny (Isaías 9:6, 7).

• Pën mˈaknijawëyaampy, käjpxë yäˈädë artikulo “¿Qué cosas logrará el Reino de Dios?”