YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Mbäät njukyˈäjtëm winë xëë winë tiempë?

Adán, ja tim jawyiimbë yetyëjk, kanäk mëgoˈpx jëmëjt jyukyˈajty, per ta ojts myëjjäˈäyënë, ets ta ojts yˈoˈknë. Desde mä tadë tiempë, të jäˈäy tjaˈëxtäˈäytyë kanäk naxë winmäˈäny parë tjëjpkuwäˈägëdët, per kyaj tmëmadäˈäktë. ¿Tiko kyaj? Yëˈko nbokyjyaˈayˈäjtëm. Adán ojts yˈooky mët ko tmëbokytyuunyë Dios ko tkamëmëdooy, ets kom të xynyinäjxëmë poky, päätyë net nˈoˈkëm. (Käjpxë Génesis 5:5 etsë Romanʉs 5:12.)

Parë njukyˈäjtëm winë xëë winë tiempë, tsojkëp pën xyjuuybyëtsëˈëmëm (Job 33:24, 25). Ko pën yajjuuybyëtsëmy, yëˈë ko yajnikëbajtuˈuty parë yˈawäˈätspëtsëmy, ets ëtsäjtëm të nˈawäˈätspëtsëˈëmëm mä oˈkën (Éxodo 21:29, 30). Jesus, yëˈë ojts xynyikëbajtutëm ko dyajkyë jyukyˈäjtën ëtsäjtëmgyëjxm. (Käjpxë Fwank 3:16.)

¿Wiˈix mbäät njukyˈäjtëm winë xëë winë tiempë?

Kyaj niˈamukë jäˈäy yˈawäˈätspëtsëmäˈändë mä yuu päˈäm ets mä oˈkën. Pënaty kyaj tmëmëdowdë Dios, yajtëgoyandëbë jyukyˈäjtën, duˈun extëmë Adán. Yëˈëyë jukyˈatandëp winë xëë pënaty yajpokymyaˈkxtëp. (Käjpxë Isaías 33:24 etsë 35:3-6.)

Parë nyajpokymyaˈkxëm, tsojkëp nˈixyˈäjtëmë Dios ko nˈëxpëjkëmë yˈAyuk. Biiblyë xytyukniˈˈijxëm parë oy njukyˈäjtëm, parë Dios xykyupëjkëm ets parë nbatëmë jukyˈäjtën winë xëë. (Käjpxë Fwank 17:3 etsë Apostʉlʉty 3:19.)

Pën mˈaknijawëyaampy, ixë kapitulo 3 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

[Dibujë diˈib mä pajina 32]

¿Ti Dios të ttuny parë të xyaˈˈawäˈätspëtsëˈëmëm mä oˈkën?