YAJTËˈËWËN DIˈIB YAˈˈATSOOJËMBIJTP MÄ BIIBLYË
¿Jantsy jamë Biiblyë tsyoony mä Dios?
Kyaj jyaˈˈatyë wiinkpë liibrë extëmë Biiblyë, yëˈko jam tsyoony mä Dios. Të miyonkˈam pyëtsëmy kanäk mëgoˈpx ayuk. Ja wijyˈäjtën diˈib yajpatp mä Biiblyë myëdäjtypyë mëkˈäjtën parë dyajtëgatsëdë jäˈäyë jyukyˈäjtën. (Käjpxë 1 Tesalónikʉ 2:13 etsë 2 Timotee 3:16.)
Mbäät nˈijtëm seguurë ko Biiblyë jantsy jam tsyoony mä Dios, yëˈko tëyˈäjtën tnaskäjpxë tijaty miin këdakp, nituˈuk mbäät duˈun tkatunyë naxwinyëdë jäˈäy. Extëm nˈokpëjtakëm, mä tuˈugë äänk diˈib wingon yajpatp mä mar Muerto yajpaty tuˈugë kopyë diˈib mä Isaías, ja nety yˈaktëgoyˈaty tukmëgoˈpx jëmëjt naxy parë Jesus myaxuˈunkˈatët ko yajpatyë tyäˈädë liibrë. Mä tyäˈädë liibrë ojts yajnigajpxy ko Babilonia käjpn tukwäˈäts wyëˈëmäˈäny. Ets jaa yˈadëëy ko nety kanäk mëgoˈpx jëmëjt të nyaxy mä Jesus të yˈooky. (Käjpxë Isaías 13:19, 20 etsë 2 Peedrʉ 1:20, 21.)
¿Wiˈixë Biiblyë yajjääy?
Ja tiempë nyajxy 1,600 jëmëjt parë Biiblyë yajjääytyaay, 40 jäˈäy diˈib jyaaytyë, tuˈuk jeˈeyë diˈib kyäjpxkopkˈäjtypyë Biiblyë ets kyaj nyaywyinguwopëty tijaty myaytyakypy. ¿Wiˈixën duˈun ttuundë? Yëˈë Dios nëˈëmooy tuˈumooyëdë. (Käjpxë 2 Samuel 23:2.)
Näˈäty, ojtsë Dios myëgäjpxëdë mët yëˈëgyëjxmë anklësëty, yajtukˈijxtë tijaty ets kyumäädë, per xëmë yajwinmäˈänymyooytyë parë tnijawëdët ti kyujayëdëp ets ta netë Dios tnasˈijxë parë këˈëmë ää ayuk tmäˈkxtët. (Käjpxë Diˈibʉ Jatanʉp [Apocalipsis] 1:1; 21:3-5.)
Pën mˈaknijawëyaampy, ixë kapitulo 2 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty
Mbäät xyajpëtsëmy mä www.jw.org/mco
[Dibujë diˈib mä pajina 32]
Neky xyaaty diˈib mä Isaías
[Yëˈë të dyakyë dibujë]
Santuario del Libro, retratë © The Israel Museum (Jerusalén)