¿Wiˈixë Dios mëduumbë yajmoˈoytyë naybyudëkë?

1. ¿Ti ojts yajtuuntsondaˈaky mä jëmëjt 1938 ets tiko?

¹ Mä jëmëjt 1938, yajtuuntsondakyë asambleas de zona mä yajwowdë kanäägë naymyujkën, diˈib tyam yajtijp tuˈukmujkënë majtsk xëëbë. ¿Tiko yajtuuntsondaky? Mä Wiˈix nduˈunëmë Diosë Tyuunk diˈib ijty yajtijp Informador, diˈib enero de 1939 (inglés) duˈun tnimaytyaky: “Tuˈukmujkën extëmë tyäˈädë, yëˈë tuk peky diˈibë Jyobaa të ttukniwitsë parë xytyuˈumoˈoyëm wiˈix nduˈunëmë tyuunk. Jëjpˈam ets niˈamukë tˈaxäjëdët ja käjxwijënë parë yajxon ttundët ja tuunk diˈib të yajtuknipeky”. Mä jëmëjt 1938 ja naty käjxwäˈxpë 58,000 ets mä jëmëjt 2009 naxy jëxtujk miyonk. Tyäˈädë yëˈë xytyukˈijxëm ko tuˈukmujkënë majtsk xëëbë pyudëjkëbë Dios mëduumbë parë “ttunët ja tuunk diˈib të yajtuknipeky”.

2. ¿Tijaty yajnimaytyäˈägäämp mä ja tuˈukmujkënë majtsk xëëbë diˈib tsondäˈägäämp septiembrë?

² ¿Ti txëˈatäˈäny mä tyäˈädë jëmëjt kyëdaˈaky? Njantsy jëjpˈijxëmë tyäˈädë tuˈukmujkënë majtsk xëëbë diˈib tsondäˈägäämp septiembrë ets ja naybyudëkë diˈib nˈaxäjëyäˈänëm. Ja txëˈatäˈäny: “Kyaj mnakydyëˈënˈattë extëm yëˈë naxwinyëdë jäˈäyëty” (Fwank 15:19, Ja Oibyʉ Tʉiˈya̱jtʉn). ¿Tijaty diskursë naxäämp? Sääbëdë nyaxäˈäny: “¿Wiˈix xykyuwäˈänëm ko nmëduˈunëmë Dios aduˈuk?”. Nanduˈun nyaxäˈäny tëgëk pekyë diskursë diˈib nyimaytyäˈägaampy wiˈix mbäät naygyuentˈäjtëm mä diˈib yajtijp “ja axëëk jëyujk”, “ja mëj kujenytyoˈoxy” ets ja “ajuuy adoˈkpëty”. Ets domingë ta nyaxäˈäny kanäägë diskursë diˈib xypyudëkëyäˈänëm parë ntsojkëmë Jyobaa ets kyaj yëˈëjëty tijaty jaˈäjtp yä naxwiiny. Wiinkpë diskursë txëˈatäˈäny: “Nˈoknayaˈijtëm extëmë jabyeˈxy jyaˈay diˈib wiink nax wiink käjpn tsoˈomp”, ets “Nˈokˈijtëm jotmëk parë nmëmadakëm tijaty jaˈäjtp naxwiiny”.

3. ¿Wiˈix xypyudëkëyäˈänëm ko nëjxëm mä ja tuˈukmujkënë majtsk xëëbë?

³ Tuˈugë nmëguˈukˈäjtëm diˈibë naty të yˈotsy näämnëm mä tuˈukmujkënë majtsk xëëbë, jyënaˈany: “Kajaats të xyajwinmay parëts nˈixët wiˈixëts nyajpääty ets nbëjtäˈägëdëtsë nwinmäˈäny parëts nëjxët tëjkˈayeˈebyë ets kyajts ti nekytyukäjxët”. Seguurë nˈijtëm, ko tijaty yajmaytyäˈägäämp mä tyäˈädë tuˈukmujkën, niˈamukë xypyudëkëyäˈänëm parë ntsojkëmë Jyobaa ets kyaj yëˈëjëty tijaty jaˈäjtp yä naxwiiny (1 Fwank 2:15-17). Tukniwitsë parë nëjx xymyëdooˈity ets mnaytyukpudëkëdët ja käjxwijënë diˈib yajˈyakäämp.