Nˈokkuentˈäjtëmë winmäˈäny

1. ¿Wiˈix txëˈatäˈänyë asamblee majtsk xëëbë diˈib tsondäˈägäämp agostë 2012 axtë septiembrë 2013, ets wiˈix xypyudëkëyäˈänëm?

¹ Jesus ojts ttukniˈˈixë ja yˈëxpëjkpëty ets ttsokëdë Jyobaa mët winë jyot kyorasoon, nyiniˈkx kyëbäjk etsë wyinmäˈäny (Mat. 22:37, 38). Asamblee tuk xëëbë, majtsk xëëbë etsë tëgëk xëëbë diˈib tunanëbë tyäˈädë jëmëjt, të yajtuknibëjtäägë parë nˈijxëm wiˈix nyajpatëm jodoty. Të yajnigajpxy ko asamblee tëgëk xëëbë ja txëˈatäˈäny: “Nˈokkuentˈäjtëmë korasoon”. Asamblee diˈib tsondäˈägäämp agostë 2012 axtë septiembrë 2013, ja txëˈatäˈäny tuk xëëbë: “Nˈokkuentˈäjtëm ja jäˈäwën diˈib tuump mä jot winmäˈäny”, etsë majtsk xëëbë diˈib ja tuk poˈo tsondäˈägäämp, ja txëˈatäˈäny: “Nˈokkuentˈäjtëmë winmäˈäny”, diˈib yajpatp mä Matewʉ 22:37. Tyäˈädë asamblee, yëˈë xypyudëkëyäˈänëm parë nˈijxëm wiˈix mbäät nmëdäjtëmë wyinmäˈäny extëmë Jyobaa ttukjotkëdäˈägët.

2. ¿Tijaty yaˈˈatsoojëmbitäämp mä asamblee majtsk xëëbë?

² ¿Tijaty yajmaytyäˈägäämp? Ko jyëjpkëxëdë tyäˈädë majtsk xëëbë asamblee, ta yajjamyatsäˈäny tijaty jëjpˈam të yajmaytyaˈaky. Pääty, oy ko ngujäˈäyëm wiˈix yaˈˈatsoojëmbitäˈänyë tyäˈädë yajtëˈëwën:

• ¿Wiˈix mbäät njëjpkudijëm parë kyaj nwinmäˈäyëm extëmë naxwinyëdë jäˈäy wyinmaytyë?

• ¿Wiˈix mbäädë jäˈäy nwinˈyaˈptutëmë jyot winmäˈäny mä yˈity agootstum?

• ¿Wiˈix mbäädë jot winmäˈäny nmëdäjtëm?

• ¿Wiˈix ndukˈoyˈäjtëm ko nwinmäˈäyëm diˈib oy?

• ¿Wiˈix mbäät nasˈijxëm etsë Jyobaa dyaˈoyëdë winmäˈäny?

• ¿Ti mbäät ttundë kasäädë jäˈäy, tääk teety etsë uˈunk ënäˈk parë jotkujk yˈitëdë fyamilyë?

• ¿Wiˈix mbäät nˈijtëm listë parë nˈawijx njëjpˈijxëmë Jyobaa xyëë?

• ¿Ti yˈandijpy nmëjämoˈoyëmë winmäˈäny parë tyunët?

• ¿Wiˈix ttukˈoyˈattë pënaty pyaduundëp tijaty nyijäˈäwëdëp?

3. ¿Tiko jyëjpˈamëty ets nyajpatëm mä asamblee majtsk xëëbë, nmëdoˈoˈijtëm yajxon ets nbaduˈunëm ja käjpxwijënë diˈib naxäämp?

³ Satanás mëktaˈaky tyuny parë dyajmäˈädäˈänyë winmäˈäny (2 Kor. 11:3). Pääty tsojkëp nguentˈäjtëm, njëjwijtsëmbijtëm ets nbanëjkxëm extëmë Kristë tmëdatyë wyinmäˈäny ets njëjpkudijëm extëmë naxwinyëdë jäˈäy wyinmaytyë (1 Kor. 2:16). Nˈoktuˈunëmë mëjää parë nyajpatëm majtsk xëë ets yajxon nmëdoˈoˈijtëm. Ko nbaduˈunëm ja käjpxwijënë diˈib naxäämp, yëˈë xypyudëkëyäˈänëm parë mëk nbëjtakëm ja winmäˈäny ets njotmoˈoyëmë Diosë tyuunk (1 Peed. 1:13).