¿Wiˈix nˈawäˈänëmë rebistë?

® 1 febreerë

“Wiˈix mˈokwinmay, ¿mbäädëdaa Dios njantsy ixyˈäjtëm? [Waˈan tˈatsoojëmbity.] Tyääjëts nmëminy tuˈugë rebistë diˈib nyimaytyakypy.” Tukˈix mä pajina 16, ta xykyäjpxëdë myëmajtskpë yajtëˈëwën etsë tekstë diˈib jam myëmiimpy. Moˈoyë net ja rebistë ets anëëmë ko jatëgok xynyijëmbitäˈäny parë xyˈatsoojëmbitäˈäny ja myëdëgëëkpë yajtëˈëwën.

Febreerë

“Biiblyë yëˈë tuˈugë liibrë diˈib tëëyëp yajjääy, pääty näägë jäˈäy wyinmaytyë ko kyaj mëët tyuknaxjaty mët diˈibë ëxpekyjyaˈay yˈëxpëjkpëtsëëmdëp. ¿Wiˈix mˈokwimay? [Waˈan tˈatsoojëmbity.] Mayë jäˈäy yajmonyˈijx yajmonyjäˈädëp ko tnijawëdë wiˈixë Biiblyë jyënaˈany [käjpxë Isaías 40:22]. Mä tyäˈädë rebistë pajina 22 jap tˈatsoojëmbity, pën jantsy tuknaxë Biiblyë mëët diˈibë ëxpekyjyaˈay yˈëxpëjkpëtsëëmdëp.”

® 1 marsë

“Jyobaa tyestiigëty yëˈë yajtukˈëxkäjptëp ko yˈëwäˈkx kyäjpxwäˈkxtë. ¿Të näˈä mˈoknayajtëëjëbë tikots nˈëwäˈkx ngäjpxwäˈkxtë? [Waˈan tˈatsoojëmbity.] Okˈix wiˈix yä tnimaytyaˈaky [käjpxë Matewʉ 24:14]. Tyäˈädë rebistë yëˈë yˈatsoojëmbijtypyë tyäˈädë yajtëˈëwën: ¿Tidën yˈandijpy oybyë ayuk? ¿Tidën yˈandijpy Diosë yˈAnaˈamën? ¿Ets näˈä myinäˈäny ja kutëgoˈoyën?”

Marsë

“May tyamë jäˈäy ak pëjk ak ijxëdëp, per okˈix wiˈixë Biiblyë xyjotkujkmoˈoyëm [käjpxë Isaías 33:24]. Ko naty të yˈadëy, ¿wiˈixëdaa nëjkx yˈixˈatäˈäny ja jukyˈäjtën? [Waˈan tˈatsoojëmbity.] Mä Dios tkayajminynyëm, tsojkëp nnaygyuentˈäjtëm parë oy mëk nˈijtëm. Tyäˈädë rebistë yëˈë nyimaytyakypy wiˈix mbäät nnaygyuentˈäjtëm.”