¿Mˈaxäjëp ja ëxpëjkën diˈibë Jyobaa yajjaˈäjtypy?

1. ¿Wiˈixë Jyobaa tˈixy ko dyaˈëxpeky pënaty mëduunëp?

¹ Jyobaa diˈib jantsy oy yaˈëxpëjkp, jëjpˈam tˈixy ets yˈëxpëkët pënaty mëduunëp (Isa. 30:20). Ko ojts dyajkojy ja yˈUˈunk, ta ogäˈän yaˈëxpëjktsondaky (Fwank 8:28). Ets ok, oyë Adán kyamëdooy, Jyobaa duˈunyëm yaˈëxpeky mëdë oyjyot ja naxwinyëdë jäˈäy diˈib pokyjyaˈay (Isa. 48:17, 18; 2 Tim. 3:14, 15).

2. ¿Wiˈix tyamë jäˈäy yˈëxpëktë?

² Ninäˈänëm duˈunë Jyobaa tkayajaˈˈatyë ëxpëjkën extëm tyam. Duˈun extëm ojts tnaskäjpxë Isaías ko miyonkˈamë jäˈäy diˈib oy mä tsyoondë nyëjkxtë mä “ja kopk mä yˈityë Jyobaa tyëjk” (Isa. 2:2). ¿Tiko nyëjkxtë? Yëˈë parë Jyobaa tyuˈumoˈoyëdët ets yaˈëxpëkëdët (Isa. 2:3). Mä septiembrë 2010 axtë agostë 2011, ja Jyobaa tyestiigëty të tyundë 1,600 miyonk oorë mä kyäjpxwäˈkxtë ets mä jäˈäy ttukniˈˈixëdë tëyˈäjtën. Ets abëtsemy nyaxwinyëdë sëmään sëmään yˈëxpëktë mä jyaˈˈatyë naymyujkën 105,000 etsë tuumbë diˈib kuwijy ja dyajpëtsëmdë ëxpëjkpajn, 500 ayuk naxy.

3. Oknigäjpx, ¿wiˈix mbudëkëty ja ëxpëjkën diˈibë Jyobaa yajkypy?

³ Xypyudëjkëm mëjwiin kajaa. ¡Mëjwiin kajaa xypyudëjkëm ja ëxpëjkën diˈibë Dios xymyoˈoyëm! Mët yëˈëgyëjxm nnijäˈäjëm ko Dios tamë xyëë ets ko naytyukjotmaytyuunëp mët ëtsäjtëm (Sal. 83:18; 1 Peed. 5:6, 7). Nan të nnijäˈäjëm wiˈix yaˈˈatsoojëmbity diˈib nnayajtëˈëwëm mä jukyˈäjtën extëm: ¿Tiko nˈayoˈojëm ets nˈoˈkëm? ¿Wiˈix mbäät njantsy pyatëmë jotkujkˈäjtën? ¿Tiko të nmiˈinëm jukyˈäjtpë? Per kyaj yëˈëyëty tyäˈädë, Jyobaa nan të xymyoˈoyëmë anaˈamën mä wiˈix mbäät njukyˈäjtëm diˈib xypyudëjkëm parë oy nëˈëyoˈoy nduˈuyoˈoyëm (Jos. 1:8).

4. ¿Tijaty ëxpëjkën jaˈäjtp, ets tiko ngatuˈunëmë mëjää parë nˈaxäjëmë tyäˈädë ëxpëjkën diˈibë Jyobaa yajkypy?

⁴ Jyobaa nan yajjaˈäjtypyë ëxpëjkënë parë tpudëkë pënaty niˈigyë yajmëjwindëkëyandëp mä kyäjpxwäˈkxtë. Mä pajina 4 axtë 6 jap kanäk peky yajnigajpxyë ëxpëjkën diˈib mbäät xyˈaxäjë. Per mbäät ti myajtuˈudukyëty ets kyaj mnëjkxët mä tuˈugë ëxpëjkën, ¿tiko xykyatunyë mëjää parë mnëjkxët mä diˈib mbäät xytyuny? Ënäˈktëjk nan xëmë yˈanëˈëmxëdë myaˈestrë o wiink jäˈäy parë yˈëxpëktët mä unibersidad, ¿tiko ngapudëjkëm parë niˈigyë wyinmäˈäny tpëjtäˈäktët ets tmëdundëdë Jyobaa ets ttukˈoyˈattët ja ëxpëjkënë diˈibë Jyobaa yajjaˈäjtypy? Ko nduˈunëmë mëjää parë tyäˈädë ëxpëjkën nˈaxäjëm, ta agujk jotkujk nayjäˈäwëm duˈun tyam ets duˈun mä ja jembyë jukyˈäjtën (Sal. 119:105; Fwank 17:3).

Tyä kanäk peky yajnigajpxy wiˈixë Jyobaa dyaˈëxpekyë kyäjpn

Mä yˈëxpëktë parë tjattët jyaˈaytyët ets lyetrëkäjpxtët

• Tiko të yajtuknibëjtäägë: Yëˈë parë nmëguˈukˈäjtëm tjatët jyaˈayët ets nyeky kyäjpxët ets duˈun tkäjpxëdë Biiblyë ets ttukniˈˈixët ja jäˈäyë tëyˈäjtën.

• Nuˈun jyeky: Duˈun extëm tyëgoyˈäjtxëdë ëxpëjkën.

• Mä yajtuny: Mä ja Tëjk mä nˈëxpëjkëm.

• Pënaty nëjkxtëp: Diˈib käjpxwäˈkxp o pënaty nëjkxtëp mä naymyujkën.

• Wiˈix yajkujayëdë: Yëˈë mëjjäˈäytyëjk diˈib mä naymyujkën, yëˈë wyoodëp pënaty tsyojkënyëˈäjttëp yˈëxpëkäˈändë, pes yëˈë diˈib tyukniwijtsëdëp duˈun extëm tyëgoyˈatyë naybyudëkë.

Mä Yajniˈëxpëkë Diosë Tyuunk

• Tiko të yajtuknibëjtäägë: Yëˈë parë ja nmëguˈukˈäjtëm oy yˈëwäˈkx kyäjpxwäˈkxët ets tyukniˈˈixët ja oybyë ayuk.

• Nuˈun jyeky: Sëmään sëmään yajtuny.

• Mä yajtuny: Mä ja Tëjk mä nˈëxpëjkëm.

• Pënaty mbäät yajkujayë: Niˈamukë käjpxwäˈkxpë. Nan yajkujäˈäyëdëp pënaty xëmë nëjkxtëp mä naymyujkën ets jyaygyujkëdëbë tëyˈäjtën ets jyukyˈattë extëmë Biiblyë tniˈanaˈamë.

• Wiˈix yajkujayëdë: Yëˈë yaˈˈanmaapy ja diˈib yajnäjxypy mä Yajniˈëxpëkë Diosë Tyuunk.

Mä yajniˈëxpëkë wiink ayuk

• Tiko të yajtuknibëjtäägë: Yëˈë parë yˈëxpëktëdë nmëguˈukˈäjtëm ets kyäjpxwäˈkxtët wiink ayuk.

• Nuˈun jyeky: Taxk poˈo o mëgoxk poˈo. Ja jyeky tuk oorë o majtsk oorë ets xëmë tyunyëty sääbëdë jopy.

• Mä yajtuny: Xëmë yajtuny mä ja Tëjk mä nˈëxpëjkëm diˈib wingon wëˈëmp.

• Pënaty mbäät yajkujayë: Yëˈë nmëguˈukˈäjtëm diˈib oyë jäˈäyˈäjtënë myëdäjttëp ets diˈib nëjkxandëp käjpxwäˈkxpë wiink ayuk.

• Wiˈix yajkujayëdë: Betel yajtukniwitsë tadë kursë ets duˈun yajtukniwitsë extëm tyëgoyˈaty ja naybyudëkë.

Mä yajkojˈyë Tëjk mä nˈëxpëjkëm

• Tiko të yajtuknibëjtäägë: Yëˈë parë yajkojët o yˈagojët ja Tëjk mä nˈëxpëjkëm. Ets oy kyaduˈunëty extëm tuˈugë eskuelë, yajtukniˈˈijxëdëp kanäk peky ja tuunk parë tyundë mä yajkojˈyë Tëjk mä nˈëxpëjkëm.

• Nuˈun jyeky: Nuˈun myadäˈäktë ja nmëguˈukˈäjtëm.

• Mä yajkojy: Mä netyë lugäär të twinˈixtë ja Komitee diˈib tyukniwijtsëdëp parë yajkojët ja Tëjk mä nˈëxpëjkëm (Comité Regional de Construcción). Ets ko tijaty yˈayoˈonbëjtaˈaky, ta yaˈˈanëëmëdë diˈib duˈun tuundëp parë nyëjkxtët mä ja lugäär të wyindëgoy ets nëjkx tpudëkëdë ja nmëguˈukˈäjtëm.

• Ti tsojkëp: Yëˈëyë yajwoodëp diˈib të nyëbattë ets diˈib oy nimaytyakëdëp ja mëjjäˈäytyëjk. Mbäät nyëjkxtë yetyëjk toxytyëjk oy të tkaniˈëxpëkëdë duˈumbë tuunk.

• Wiˈix yajkujayëdë: Yëˈë yˈamdowëbë mëjjäˈäytyëjkë tadë neky Cuestionario para trabajadores voluntarios en Salones del Reino (S-82-S) ets ta net dyajtuktukët.

Mä yˈëxpëktë Prekusoor

• Tiko të yajtuknibëjtäägë: Yëˈë parë yˈëxpëktët ja prekusoorëty ets mbäät “yajxon” ttundë Diosë tyuunk (2 Tim. 4:5).

• Nuˈun jyeky: Majtsk sëmään.

• Mä yajtuny: Betel wyinˈijxypyë lugäär ets ja xëmë yajtuny mä ja Tëjk mä nˈëxpëjkëm diˈib naa wingon wëˈëmp.

• Ti tsojkëp: Yëˈë yajwoodëp diˈib tuk jëmëjt kujk tyuny prekusoor regulaar.

• Wiˈix yajwowdë: Yëˈë yˈawijxtëp parë ja sirkuitë yˈanëˈëmxëdët, pes yëˈë kyujäˈäyëp pënaty nëjkxandëp.

Mä yˈëxpëktë diˈib Jemy jäjttëp Betel

• Tiko të yajtuknibëjtäägë: Yëˈë parë yajpudëkëdët diˈib jemy jäjtp Betel parë oy tyunët.

• Nuˈun jyeky: Mä tuˈukpë sëmään ja yˈëxpëktë tuk oorë ets ja jyeky 16 sëmään.

• Mä yajtuny: Betel.

• Ti tsojkëp: Yˈitët jam Betel o ko yajwowët tuk tiempë (tuk jëmëjt o niˈigyë).

• Wiˈix yajkujayëdë: Betel yajkujayëdë pënaty ëxpëkandëp.

Mä yˈëxpëktë Mëjjäˈäytyëjk ets diˈib Pudëjkëdëp (Escuela del Ministerio del Reino)

• Tiko të yajtuknibëjtäägë: Yëˈë parë yˈëxpëktët ja mëjjäˈäytyëjk ets diˈib pudëjkëdëp ets ttundët ja tuunk diˈib nyikëjxmˈäjttëp, tjattët wiˈix tijaty ttukniwitsëdët ets wiˈix yˈijxˈit kyuentˈattët (Apos. 20:28). Tyäˈädë ëxpëjkën ja tmëdattë ko ttukniwitsë Diˈib wyooyoˈoytyëbë Jyobaa tyestiigëty.

• Nuˈun jyeky: Tam nyëjkxkojˈyë tiempë mä yˈëxpëktë mëjjäˈäytyëjk tuk xëë jakujkm ets ja diˈib pudëjkëdëp yˈëxpëktë tuk xëë.

• Mä yajtuny: Xëmë yajtuny mä ja Tëjk mä nˈëxpëjkëm o mä tyunyëtyë Asamblee diˈib naa wingon wëˈëmp.

• Ti tsojkëp: Tyunët mëjjäˈäy o diˈib pudëjkëp.

• Wiˈix yajwowdë: Yëˈë sirkuitë wyoopy ja mëjjäˈäytyëjk ets ja diˈib pudëjkëdëp.

Mä yˈëxpëktë Mëjjäˈäytyëjk diˈib tuundëp mä Naymyujkëna

• Tiko të yajtuknibëjtäägë: Yëˈë parë yajpudëkëdët ja mëjjäˈäytyëjk ets ttundët diˈib nyikëjxmˈäjttëp mä naymyujkën.

• Nuˈun jyeky: Mëgoxk xëë.

• Mä yajtuny: Betel yëˈë diˈib wyinˈijxypy ja lugäär ets xëmë yajtuny mä ja Tëjk mä nˈëxpëjkëm o mä tyunyëtyë Asamblee diˈib naa wingon wëˈëmp.

• Ti tsojkëp: Tyunët mëjjäˈäy.

• Wiˈix yajwowdë: Betel yajtukniwitsë parë yajwowdë ja mëjjäˈäytyëjk.

Mä yˈëxpëktë Sirkuitë Distritë mëdë Nyëdoˈoxyb

• Tiko të yajtuknibëjtäägë: Parë yajpudëkët ja sirkuitë etsë distritë ets oy tpudëkëdët ja naymyujkën ets oyë “jäˈäy ttukˈixtë ja Diosë yˈayuk” ets tkuentˈattët diˈib të yajtuknipëktë (1 Tim. 5:17; 1 Peed. 5:2, 3).

• Nuˈun jyeky: Majtsk poˈo.

• Mä yajtuny: Betel yëˈë diˈib wyinˈijxypy ja lugäär.

• Ti tsojkëp: Tyunët sirkuitë o distritë.

• Wiˈix yajwowdë: Betel yajtukniwitsë parë yajwowdë mëdë nyëdoˈoxy.

Mä tˈëxpëktë Biiblyë Yetyëjk diˈib Naytyuˈukˈäjttëp (Escuela Bíblica para Varones Solteros)c

• Tiko të yajtuknibëjtäägë: Yëˈë parë yˈëxpëktët diˈib tuundëp mëjjäˈäy ets diˈib pudëjkëdëp, per yëˈëyë diˈib naytyuˈukˈäjttëp parë niˈigyë yajtuunkmoˈoytyët. Ko pyëtsëmdë mä tyäˈädë eskuelë, ta may yajkaxtë mä tyëgoyˈatyë käjpxwäˈkxpë mä ja pyaˈis. Ets näägëty mbäät yajkaxtë wiink paˈis pën tsyojkënyëˈäjttëp.

• Nuˈun jyeky: Majtsk poˈo.

• Mä yajtuny: Betel yëˈë diˈib wyinˈijxypy ja lugäär ets xëmë yajtuny mä ja Tëjk mä nˈëxpëjkëm o mä tyunyëtyë Asamblee.

• Ti tsojkëp: Yëˈëyë yajwoodëbë yetyëjk diˈib naytyuˈukˈäjttëp, diˈibë jyëmëjt 23 axtë 62, diˈib oyˈäjt mëkˈäjtp ets diˈib tsyojkënyëˈajtypy tmëdunäˈänyë myëguˈuktëjk ets dyajmëjwindëkëyaˈanyë Diosë tyuunk mä tyëgoyˈatyë naybyudëkë (Mar. 10:29, 30). Ets yëˈëyë yajwoodëp diˈib kujk tyundë jëjwitsë majtsk jëmëjt mëjjäˈäy o diˈib pudëjkëp.

• Wiˈix yajwowdë: Mä näägë lugäär ko tyunyëtyë tuˈukmujkënë majtsk xëëbë, ta yajwowdë mä tuˈugë reunyonk pënaty tsyojkënyëˈäjttëp parë nëjkx tmëdooˈittë mä niˈigyë yajnimaytyaˈaky.

Mä tˈëxpëktë Biiblyë Kasäädë jäˈäy diˈib Dios mëduundëp (Escuela Bíblica para Matrimonios Cristianos)d

• Tiko të yajtuknibëjtäägë: Yëˈë parë niˈigyë yˈëxpëktëdë kasäädë jäˈäy ets parë niˈigyë Jyobaa yajtunëdët mä kyäjpn. Ko yˈëxpëjkpëtsëmdë, ta may yajkaxtë mä pyaˈis mä tyëgoyˈatyë naybyudëkë. Ets näägëty ta yajkaxtë wiink paˈis pën tsyojkënyëˈäjttëp.

• Nuˈun jyeky: Majtsk poˈo.

• Mä yajtuny: Jap ogäˈän të tsyondaˈagyë tadë ëxpëjkënë Patterson (Nueva York) mä Ëxpëjkënë kyopk Watchtower (Centro Educativo de la Watchtower). Ok, ta nanduˈun jyaˈˈatäˈänyë duˈumbë ëxpëjkënë wiink it wiink lugäär ets Betel yajnigäjpxäˈäny, ets nan waˈan yajtunäˈäny mä ja Tëjk mä nˈëxpëjkëm o mä tyunyëtyë Asamblee.

• Ti tsojkëp: Yëˈë yajwoodëp diˈibë jyëmëjt 25 axtë 50, diˈib oyˈäjt mëkˈäjtp ets diˈib kujk tyundët jëjwitsë prekusoor majtsk jëmëjt ets tmëdattëdë duˈumbë tsojkën extëmë Isaías diˈib jënan: “¡Tyamëts ëjts! Kajxkëts” (Isa. 6:8). Ets nan yëˈë yajwoodëp diˈib majtsk jëmëjt kujk kyasäädëˈattë ets yˈoyˈat myëkˈattët oy mä yajkaxtët mä tyëgoyˈatyë käjpxwäˈkxpë.

• Wiˈix yajwowdë: Mä näägë lugäär ko tyunyëty ja tuˈukmujkën diˈib tuk xëë, ta yajwowdë mä tuˈugë reunyonk pënaty tsyojkënyëˈäjttëp parë nëjkx tmëdooˈittë mä niˈigyë yajnimaytyaˈaky.

Mä tˈëxpëktë Biiblyë diˈib Galaad Watchtower (Escuela Bíblica de Galaad de la Watchtower)

• Tiko të yajtuknibëjtäägë: Yëˈë parë yˈëxpëktëdë prekusoor ets diˈib yëˈëyë tyuunkˈäjttëp ja Diosë tyuunk parë tyundët misioneerë.

• Nuˈun jyeky: Mëgoxk poˈo.

• Mä yajtuny: Mä ja Ëxpëjkënë kyopk Watchtower diˈib yajpatp Patterson (Nueva York).

• Ti tsojkëp: Yëˈëyë yajwoodëp diˈib kasäädë. Ets yëˈë mbäädë syolisitud tkëyaktë diˈib kujk tyundë jëjwitsë majtsk jëmëjt prekusoor, tëgëk jëmëjt mä nyëbattë, ets majtsk jëmëjt mä pyëktë etsë jyëmëjt tmëdattët 21 axtë 38. Ets tjatët tkäjpxtëdë inglés ets oy mëk yajpäättët. Nan mbäät nyëjkxtë mä tyäˈädë eskuelë pën yajtuktujktëp diˈib yä yaˈˈamdoop, diˈib tuundëp prekusoor wiink paˈis (diˈib duˈun tuundëp extëmë misioneerë) sirkuitë, distritë, diˈib tuundëp Betel diˈib të yˈotstë mä të tˈëxpëktë Biiblyë Yetyëjk diˈib Naytyuˈukˈäjttëp ets diˈib nanduˈun të tˈëxpëktë Biiblyë Kasäädë jäˈäy diˈib Dios mëduundëp.

• Wiˈix yajwowdë: Mä näägë lugäär ko tyunyëty ja tuˈukmujkënë tëgëëk xëëbë, ta yajwowdë mä tuˈugë reunyonk pënaty tsyojkënyëˈäjttëp ets nëjkx tmëdooˈittë mä niˈigyë yajnimaytyaˈaky. Per pën mä mbaˈis kyaj yajtunyë duˈumbë reunyonk ets mtsojkënyëˈajtypy mnëjkxäˈäny mä tadë ëxpëjkën, mbäät xykyexy tuˈugë neky Betel parë niˈigyë xynyijawët.

Mä yˈëxpëktë Komitee diˈib Betel mëdë Nyëdoˈoxy

• Tiko të yajtuknibëjtäägë: Yëˈë parë yajpudëkëdët pënaty tuundëp Komitee Betel, ets yajxon tˈixtët ja tuunk diˈib yajtuump Betel ets tˈixtët wiˈix ja Diosë tyuunk yajtuny mäjaty ja naymyujkën, wiˈix tyundë sirkuitë, distritë, wiˈix yajkäjpxnaxyë ëxpëjkpajn, wiˈix pyëtsemy, wiˈix yajkexy ets wiˈix tyuny tuˈuk tuˈugë departamentë (Luk. 12:48b).

• Nuˈun jyeky: Majtsk poˈo.

• Mä yajtuny: Mä ja Ëxpëjkënë kyopk Watchtower diˈib yajpatp Patterson (Nueva York).

• Ti tsojkëp: Tyunët Komitee Betel o Komitee mä ja Paˈis o diˈib të yajwinˈixtë parë ok duˈun tyundët.

• Wiˈix yajwowdë: Yëˈë anmääyëdëp Diˈib wyooyoˈoytyëbë Jyobaa tyestiigëty parë nyëjkxtët mëdë nyëdoˈoxy.

[Notë]