Nˈokˈyajxoˈkëm ja tëëm parë myuxët
1. ¿Tiko jyëjpˈamëty nyajxoˈkëm ko nnipëm ja tëyˈäjtën?
1 Ko nnipëm tuˈugë tëëm jëjpˈam ets nyajxoˈkëm parë myuxët. Nanduˈun mbäät nyajxoˈkëm ko nnipëm ja tëyˈäjtën mä jäˈäyë jyot kyorasoon diˈib nbatëm mä ngäjpxwäˈkxëm (1 Kor. 3:6). Pääty jyëjpˈamëty ets nijëmbijtëmë jäˈäy parë nyajxoˈkëm ja tëëm mëdë nëë diˈib yajkypyë Diosë yˈAyuk. Duˈuntsoo tpëkëdë yˈääts tyikts, yonët ets tyëëmˈatët.
2. ¿Ti mbäät xytyuny parë ja jäˈäy ttsojkënyëˈatët ets jatëgok xynyijëmbitët?
2 Anëëmë jäˈäy ti mˈatsoojëmbitaampy ko jatëgok mjëmbitët. Ko xytyuundäˈägët wiˈixë jäˈäy xymyëtmaytyäˈägäˈäny, oy ko xywyinmayët tuˈugë yajtëˈëwën diˈibë jäˈäy yˈoymyëdowëp parë xyˈatsoojëmbitët ko jatëgok xynyinëjkxët. Ja xyajtëwët mä xykyayajkexynyëm ja maytyaˈaky, ets mnaygyäjpxëdët mëët ti xëë xynyijëmbitäˈäny. Oy wyimbëtsemy ko mayë nmëguˈukˈäjtëm twinˈixtë tuˈugë yajtëˈëwën mä liibrë ¿Ti tukniˈijxëbë Biiblyë? parë yˈëxpëjktsondäˈäktë mët ja jäˈäy ko jatëgok tnijëmbittë.
3. Pën tuˈugë jäˈäy të tˈoymyëdoy, ¿tijaty mbäät xykyujayë?
3 Kujayë. Ko tim jawyiin mëdë jäˈäy mmaytyäˈägët, ta xykyujayët ti txëˈaty, mä tsyëënë, ti xëë ets ti oorë të xypyaaty, ti mëët të xymyaytyäˈäktë ets ti ëxpëjkpajn të xymyoˈoy. Nan oy ko xykyujayët pën tyukˈijtëp tuˈugë relijyonk, pën myëdäjtypyë fyamilyë, ti myëmääy myëdajpy o ti nyijawëyaampy. Ko duˈun xykyujayët, yëˈë mbudëkëdëp parë xynyijawët ti mdukmëtmaytyäˈägëp ko jatëgok xynyijëmbitët. Jamyats nanduˈun xykyujayët ti xëë të xyˈanëëmë mjëmbitäˈäny ets ja yajtëˈëwën diˈib mˈatsoojëmbitaampy.
4. ¿Tiko yˈoyëty nijëmbijtëmë jäˈäy diˈib të tˈoymyëdoyë Diosë yˈayuk ets kyaj nmastutëm?
4 Kyaj xymyastuˈudët. Satanás yˈëxtäˈäyaambyë winmäˈäny wiˈix dyajjëgaˈagët “ja ayuk” diˈib të yajniˈipy mä jäˈäyë kyorasoon (Mar. 4:14, 15). Pääty, pën kyaj xypyaaty ja jäˈäy diˈibë të tˈoymyëdoyë Dios yˈayuk, këdii mtsipkeˈexy. ¿Mbäät xytyuknigexy tuˈugë neky o xynyikaˈagët mä ja jäˈäyë tyëjk? Tuˈugë prekusoora ojts yˈëxpëjktsondaˈaky mët tuˈugë toxytyëjk, per ko jatëgok tnijëmbijty, kyaj pën tnekypyaty, ta ojts ttuknigexy tuˈugë neky. Ets ko ok tpaty ja toxytyëjk, ta yˈanmääyë ko ja neky jantsy oyë nety të yajnayjawëty. Ko nyajxoˈkëm ja tëyˈäjtën diˈib të nnipëm, ta nëjkx nˈijxëm wiˈix myuxy, yony pyety ets wiˈix näägëty dyaky ja tyëëm “iˈpx mäjk, näägëty tëgëˈpx, es näägëty mëgoˈpx” (Mar. 4:20).