Diˈib nnayajtëˈëwëm

◼ ¿Pënaty mbäät nmoˈoyëmë ëxpëjkpajn?

Yëˈë pënaty yˈoymyëdoopy. Pën nˈijxëm ko jäˈäy yˈoymyëdoopy, oy ko nmoˈoyëm tukpäärë rebistë, tuˈugë foyetë, liibrë o wiinkpë ëxpëjkpajn, oy nˈijxëm pën yakaampy ja dyonasyonk o pën kyaj, parë niˈigyë yajpudëkët ja Diosë tyuunk (Job 34:19; Diˈibʉ Jat. 22:17). Per kyaj nmoˈoyëmë jäˈäy ja ëxpëjkpajn diˈib kyaj tmëjjawë (Mat. 7:6).

¿Wiˈix mbäät nˈijxëmë jäˈäy ko yˈoymyëdoopy ja Diosë yˈayuk? Ja ko tmëdooˈity ets ko tjëjpkäjpxë ja maytyaˈaky. ¿Yˈatsoojëmbijty tijaty nyajtëˈëwëm? ¿Nyigajpxypy wiˈix wyinmay? Ko tpaˈixët ja tekstë diˈib mgajpxypy yëˈë nety yaˈijxëp ko wyintsëˈkëp ja Diosë yˈAyuk. Ets näˈäty, oy ko jäˈäy nyajtëˈëwëm pën kyäjpxaampy ja ëxpëjkpajn. Tsojkëp yajxon nˈijxëm pën tsyojkënyëˈajtypy. Pääty ko ngäjpxwäˈkxëm nëˈääy tuˈääy kyaj mbäät niˈamukë jäˈäy nmoˈoyëm ja ëxpëjkpajn. Pën kyaj nˈijtëm seguurë pën ja jäˈäy tsyojkënyëˈajtypy, oy ko yëˈë nmoˈoyëm tuˈugë trataadë o wiinkpë ëxpëjkpajn diˈib jeˈeyë tukˈääy.

Ets ko nˈaxäjëmë ëxpëjkpajn mä naymyujkën, oy ko nˈijxëm nuˈunën nyajtunäˈänëm mä nˈëwäˈkx ngäjpxwäˈkxëm, kyaj yëˈëjëty nuˈunën ja meeny sentääbë nyakäˈänëm. Ko nyäjkëmë meeny sentääbë kyaj yëˈëjëty ko ngujuˈuyëm ja ëxpëjkpajn, yëˈë duˈun ko nbudëjkëm mä yajtunyë Diosë tyuunk. Ets ko nmëjjäˈäwëmë tyäˈädë tuunk, yëˈë net xypyudëjkëm parë nyäjkëm amumduˈukjot, duˈuntsoo niˈigyë nyajmëjwindëjkëmë Diosë tyuunk oy ngamëdäjtëm nëgoo ja meeny sentääbë (Mar. 12:41-44; 2 Kor. 9:7). Nan yëˈëyë mbäät nmënëjkxëmë ëxpëjkpajn diˈib nyajtunäˈänëm mä ngäjpxwäˈkxëm, duˈuntsoo nguentˈäjtëm ja meeny sentääbë diˈib niˈamukë nyäjkëm.

[Letrë diˈib miimp mä rekuäädrë mä pajina 2]

Tsojkëp yajxon nˈijxëm pën tsyojkënyëˈajtypy ja jäˈäy