Nˈokˈyajtuunkpatëm yajxonë ëxpëjkpajn

Jesus jyënany: “Mˈaxäjëdë tyäˈädë mëkˈäjtën nadëˈënyë, nan katë myajmëjuytyë” (Mat. 10:8). Nmëmëdoˈowëmë tyäˈädë anaˈamën ko kyaj jäˈäy nˈamdoˈowëmë meeny ko nmoˈoyëmë Biiblyë etsë ëxpëjkpajn (2 Kor. 2:17). Pes yëˈë myëmiimbyë Diosë yˈAyuk diˈib tsobatp mëjwiin kajaa. Ko kyojy ets yajkexy abëtsemy nyaxwinyëdë mäjatyë tuˈukmujkën, kajaa meeny sentääbë tyuny etsë jot mëjääw. Pääty, oyxyëp ko yëˈëyë nmënëjkxëm diˈib nyajtunäˈänëm.

Oy ko xyˈixët pënaty mmoˈoyaambyë ëxpëjkpajn, axtë mä ja karruˈunk xynyadanë (Mat. 7:6). En lugäär jeˈeyë xymyoˈoyët niˈamukë pënaty näjxp, yajtsondäˈäk ja maytyaˈaky parë xyˈixët pën tsyojkënyëˈajtypy. Ix pën mbäät naa tuˈugën tˈatsoowëmbity diˈib miimp mä tyäˈädë rekuäädrë. Pën kyaj oy xytyimnijawë pën tsyojkënyëˈajtypy, mejoor mmoˈoy tuˈugë trataadë. Per xondaˈakyˈääw xondaˈakyjyot nmoˈoyëmë jäˈäy tuˈugë rebistë o ëxpëjkpajn diˈib xyˈamdoˈowëm (Prov. 3:27, 28).