Yajnimaytyaˈaky wiˈix tsyondakyë Jyobaa tyestiigëty ets wiˈix pyëtsëmdë agootstuuy
Ko Biiblyë tmaytyaˈagyë jäj tëˈkxën yëˈë mëët tˈijxkijpxyë ja tëyˈäjtën ets ja kootsˈat mët diˈib kyaj tyëyˈäjtënëty (Sal. 43:3; Isa. 5:20). Ko Satanás ojts twinˈëënyë Eva, ta ja naxwinyëdë jäˈäy tyëjkë agootstuuy. Pääty tyam, niˈamukë jäˈäy yajpäättë agootstuuy (Diˈibʉ Jat. 12:9). Tyäˈädë DVD diˈibë xyëˈäjtypy: Los testigos de Jehová: una historia de fe viva. Parte 1: Salen de la oscuridad, yëˈë nyimaytyakypy wiˈix tsyondaky ja jäj tëˈkxën (Isa. 60:1, 2). Ko nety të xyˈijxtäˈäy, ta net xyˈixët wiˈix mbäät xyˈatsoojëmbityë tyäˈädë yajtëˈëwën.
1) Ko yˈoˈktë ja apostëlëty, ¿wiˈix kyaj nyekyjaˈäjty ja tëˈkx jäjjën? 2) Mä siiglë 12, ¿ti pudëjkëdë ja jäˈäyëty parë tpëjktë kuentë ko mä tsyäjptëjk kyaj yajtukniˈˈixëdë tëyˈäjtën? 3) ¿Pën xëˈäjt Henry Grew ets George Storrs? 4) ¿Tijaty tuun jäjtë mä jyukyˈajtyë Charles Russell diˈib kajaa yajwinmääyë? 5) ¿Wiˈix ijty tˈëxpëktë Biiblyë Russell mëdë tyeety ets mëdë wiinkpë myëguˈuktëjk? ¿Ets tijaty jyaygyujkëdë? 6) ¿Wiˈix tyuˈukmujktë ja jyaˈayë Russell mët ja jyaˈayë Nelson Barbour mä nety tˈëxpëktë Biiblyë? ¿Ets tiko ojts nyaymyastuˈudëdë? 7) ¿Ti tuun jäjtë julië poˈo mä jëmëjt 1879 ko jatëgok tsyondaky ja tëˈkx jäjën? 8) Ets desde mä tadë jëmëjt, ¿ti tyuundë ja jäˈäyëty diˈib yˈËxpëjktëbë Biiblyë parë kajabäät ojts tkäjpxwäˈkxtë ja oybyë ayuk? 9) Ja diˈib yˈËxpëjktëbë Biiblyë, ¿ti nety yˈawijxtëp tyun jyatëdët mä jëmëjt 1914? 10) Ko yˈoˈkyë Russell, ¿tijaty jotmay wyinguwäˈkëdë ja diˈib yˈËxpëjktëbë Biiblyë? 11) ¿Ti tyuundë ja diˈib yˈËxpëjktëbë Biiblyë ko ojts yˈawäˈätspëtsemyë Rutherford mët ja myëguˈuktëjk? 12) ¿Wiˈix të mbudëkëtyë tyäˈädë bideo parë niˈigyë xymyëjjawët ko jyaˈˈatyë Jyobaa nyax kyäjpn? 13) ¿Ets wiˈix të mbudëkëty parë niˈigyë amëk jotmëk mˈëwäˈkx mgäjpxwäˈkxët oy xypyäädëdë amay jotmay? 14) ¿Wiˈix xyajtunäˈänyë tyäˈädë bideo parë xytyukpudëkëdë mjiiky mëguˈuk, jäˈäy diˈib myaˈëxpejkypy ets oytyim pënëty?
¡Mëjwiin kajaa të xytyukumäˈäyëm ja tëˈkx jäjën ja nmëguˈukˈäjtëm diˈib tim jawyiin yˈËxpëjktë Biiblyë! Oyë nety jyukyˈattë mä jäˈäy yajpäättë agootstuuy, yëˈëjëty amëk jotmëk ojts tmënëjkxtë ja tëˈkx jäjjën. Nˈokpanëjkxëm ja yˈijxpajtën ets nˈokjukyˈäjtëm extëm “pënaty yoˈoytyëp mä ja jäjën” (Éfe. 5:8).