Yajnimaytyaˈaky wiˈix tsyondakyë Jyobaa tyestiigëty ets wiˈix dyajnigëxëˈëktë ja tëˈkx jäjën

Ko Rutherford mët ja myëguˈuktëjk pyëtsëëmdë pujxndëgoty mä jëmëjt 1919, ta mëjwiin kajaa tmëdäjttë tuunk ja diˈib yˈËxpëjktëbë Biiblyë. Tyäˈädë DVD diˈibë xyëˈäjtypy: Los testigos de Jehová: una historia de fe viva. Parte 2: Dejan brillar su luz, yëˈë nyimaytyakypy wiˈix twinguwäˈkëdë ja myëtsipëty, wiˈix mas tjaygyujkëdë Biiblyë ets wiˈix yaˈijxmäjtstë ja myëbëjkën (Pro. 4:18; Mal. 3:1-3; Fwank 15:20). Ko nety të xyˈijxtäˈäy, ta net xyˈixët wiˈix mbäät xyˈatsoojëmbityë tyäˈädë yajtëˈëwën.

1) ¿Tijaty yajtuundë ja diˈib yˈËxpëjktëbë Biiblyë parë ojts dyajwäˈkxtë ja oybyë ayuk? 2) ¿Ti tuun jäjtë ko tyuunë asamblee mä jëmëjt 1931 ets 1935? 3) ¿Ti diˈib jëjpˈam nyimaytyakë rebistë La Atalaya 1 de noviembre de 1939 diˈib pëtsëëm inglés? 4) Nimaytyäˈäk ti tuun jäjtë Madison Square Garden ko ja nmëguˈukˈäjtëm Rutherford dyajnäjxyë diskursë diˈibë xyëˈäjt: “Gobiernë etsë tuˈugyëˈat” (“Gobierno y paz”). 5) ¿Tiko jyëjpˈamëty ja diskursë diˈib xyëˈäjt: “Tuˈugyëˈäjtën... ¿xëmëdaa yˈitäˈäny?” (“Paz... ¿será duradera?”) diˈib yajnäjxë Knorr? 6) ¿Ti tyuundë Jyobaa tyestiigëty mä jëmëjt 1942 parë dyajmëjwindëjkëdë ja tuunk mä yˈëwäˈkx kyäjpxwäˈkxtë? 7) Nigäjpx tuˈuk peky majtsk peky ti nyitsiptuundë nmëguˈukˈäjtëm mä ja gobiernë diˈib Estados Unidos, Canadá ets Grecia. 8) ¿Wiˈix ja nmëguˈukˈäjtëm diˈib ëxpëjktë mä Galaad tyuundë parë dyajmëjwindëjkëdë ja oybyë ayuk? 9) ¿Ti tuungë jëjpˈambë yajtsondaktë Jyobaa tyestiigëty mä jëmëjt 1946, ets tiko? 10) ¿Tijaty tyuundë Jyobaa tyestiigëty parë jyukyˈattët extëmë Biiblyë tniˈanaˈamë? 11) Nigäjpx tuk peky majtsk peky tijaty yajtëgäjtstë mä Diosë kyäjpn ko nyajxy ja jëmëjt 1970 parë ojts tpanëjkxtë extëm jyënaˈanyë Biiblyë. 12) ¿Wiˈix të mbudëkëtyë tyäˈädë bideo parë niˈigyë xyjaygyukët ko Jyobaa yëˈë diˈib tukëˈëyë yˈijxtaapy ets ko tyäˈädë jantsy yëˈë nyax kyäjpn? 13) ¿Wiˈixë tyäˈädë bideo të mbudëkëty parë niˈigyë mjot mwinmäˈäny xypyëjtäˈägët ets mˈëwäˈkx mgäjpxwäˈkxët amëk jotmëk oy ti amay jotmay xypyäädët? 14) ¿Wiˈix xyajtunäˈänyë tyäˈädë bideo parë xytyukpudëkëdë mjiiky mëguˈuk, jäˈäy diˈib myaˈëxpejkypy ets oytyim pënëty?

Tuˈuk tuˈugë xëë nyaxy, duˈunxyëp extëm wyeˈemy jääybyety wixatyë Jyobaa tyestiigëty jyattë. ¿Wiˈixëdaa jap yajjääybyety ko tyam nduˈunëmë mëjää mä nˈëwäˈkx ngäjpxwäˈkxëm? Nˈokpanëjkxëmë yˈijxpajtën ja nmëguˈukˈäjtëm diˈib duˈun nyastuˈunëdë, ets nˈoktuˈunëmë mëjää parë nanduˈun nyajjaˈäjtëmë tëˈkx jäjën (2 Kor. 4:6).