Tuˈugë jembyë bideo parë nyaˈëxpëjktsondakëmë jäˈäy

Nimayë jäˈäy kujk tˈixtë mä sitio jw.org tuˈugë bideo diˈib kon, ja txëˈaty ¿Tiko xyˈëxpëkëdë Biiblyë? Tyäˈädë bideo të kyojy parë jäˈäy pyudëkëdët ets tˈaxäjëdët tuˈugë ëxpëjkën namayˈäjtën. Ko mdëkët mä ja pajina, mbäät xymyoˈoyë klik abatkëˈëy mä jyënaˈany “Amdow ets xyˈëxpëkëdë Biiblyë namayˈäjtën” o ko xyajnaxëdë código QR (código diˈib pojënë pyatypy) diˈib miimp mä jemyatypyë trataadë. Tyää yajnigajpxy tuk pëky majtsk pëky wiˈix mbäät nyajtuˈunëmë tyäˈädë bideo:

• Ko jatëgok nnijëmbijtëmë jäˈäy, mbäät nˈanmäˈäyëm: “Yëˈë njatukˈixaampy tuˈugë bideo diˈib nyimaytyakypy wiˈix mbäät xynyijawë mä Biiblyë tijaty mnayajtëëwëp”. Pën ja jäˈäy yˈixaampy, ta ndukˈijxëm mä ja aparatë diˈib nmënëjkxëm o mä kyomputadoorë.

• Ko nmoˈoyëmë jäˈäy tuˈugë jembyë trataadë ko ngäjpxwäˈkxëm mä mayjyaˈay o ko ngäjpxwäˈkxëm oy myääjëty, mbäät ndukˈijxëmë código QR ets nˈanmäˈäyëm parë dyajnaxët mä yˈaparatë. O mbäät ndukˈijxëmë tyäˈädë bideo mä aparatë diˈib nmënëjkxëm, pesë tyäˈädë código nidëyë myënëjkxy mä ja bideo diˈib yajpatp mä sitio ets tap kanäk ayuk.

• Oy ko ndukmëtmaytyakëmë tyäˈädë bideo pënaty mëët nduˈunëm, nˈeskuelëˈäjtëm, jiiky mëguˈuk ets pënaty nˈixyˈäjtëm, ets nˈanmäˈäyëm ko njatukˈixäˈänëm. Nan mbäät nduknigajxëm mä correo electrónico mä yajpäätyë tyäˈädë bideo parë këˈëm tˈixtët.

Pën yajxon nyajtuˈunëmë tyäˈädë jembyë naybyudëkë, mbäädë jäˈäy nyaˈëxpëjktsondakëm ets nbudëjkëm mëdë Diosë yˈayuk pënaty “[jukyˈatandëp] winë xëë winë tiempë” (Apos. 13:48).