Jat wiˈix oy xytyunëdë Diosë tyuunk: Ko xyajtunëdë bideo parë jäˈäy xytyukniˈˈixëdë tëyˈäjtën

TIKO JYËJPˈAMËTY:

Yëˈko bideo ajäjt jotjäjtëbë jäˈäy, pes mbäät tˈixtë ets tmëdowdë. Mbäät jamë wyinmäˈäny tpëjtäˈäktë ets kyaj pojënë tjäˈäytyëgoytyët. Jyobaa të xymyoˈoyëm oybyë ijxpajtën ko xytyukˈijxëm tijaty parë xyaˈëxpëjkëm (Apos. 10:9-16; Diˈibʉ Jat. 1:1).

Tadë bideo ¿Myëdäjtypyë Diosë xyëë?, ¿Pënë wyinmäˈäny ijtp kujayë mä Biiblyë? ets ¿Tiko mbäät nmëbëjkëm ko Biiblyë tëyˈäjtën myaytyaˈaky?, yëˈë mëët kyaˈpxyë ëxpëjkën 2 ets 3 diˈib mä foyetë Oybyë ayuk. Etsë bideo ¿Tiko xyˈëxpëkëdë Biiblyë?, ¿Wiˈixë jäˈäy tˈëxpëkyë Biiblyë? ets ¿Ti yajtuump mä tyuˈukmuktë Jyobaa tyestiigëty?, yëˈë pudëkëyanëdëbë jäˈäy parë yˈëxpëktët mët ëtsäjtëm ets nyëjkxtët mä nduˈukmujkëm. Nan tapë pelikula etsë bideo diˈib mbäät ndukˈijxëm ko nyaˈëxpëjkëm (km 5/13 paj. 3).

WIˈIX NDUˈUNËM:

• Yajjënak kon tiempë ja bideo diˈibë jäˈäy mdukˈixaampy.

• Winmay tuk pëky majtsk pëky diˈibë jäˈäy myajtëwaampy diˈib yaˈˈatsoowëmbijtp mä ja bideo.

• Ixtë mëdë jäˈäy ja bideo.

• Nimaytyäˈäktë tijaty jëjpˈam të xyˈixtë.

TIKO DUˈUN XYKYATUNY:

• Tukˈixë código diˈib miimp trataadë ëxkëˈëy diˈib mënëjkxp mä bideo ¿Tiko xyˈëxpëkëdë Biiblyë?

• Tukˈixë bideo ¿Tiko mbäät nmëbëjkëm ko Biiblyë tëyˈäjtën myaytyaˈaky? ets mmoˈoyë foyetë Oybyë ayuk. Nimaytyäˈägë ëxpëjkën 3.