Nˈoktukˈijxëmë bideo pënaty nyaˈëxpëjkëm

Ko tijaty nyajtukniˈˈijxëm mëdë dibujë o bideo, niˈigyë njaygyujkëm ets njamyajtsëm. Jyobaa yajtuunë duˈumbë ijxpajtën parë ttukniˈˈijxë tijaty pënaty mëduunëp (Gén. 15:5; Jer. 18:1-6). Jesus ja Oybyë yaˈëxpëjkpë, nanduˈun tyukniˈˈijxë (Mat. 18:2-6;22:19-21). Ets mä tyäˈädë tiempë yëˈë niˈigyë tuumbë bideo parë jäˈäy ndukˈijxëm. ¿Nyajtuunkpatëm parë ndukˈijxëm pënaty nyaˈëxpëjkëm?

Ja kujk pyëtsëmy mäjkë bideo diˈib xypyudëjkëm parë nnimaytyakëm ja foyetë Oybyë ayuk diˈib tsoˈomp mä Dios. Kanäägë tyäˈädë bideo duˈun txëwˈaty extëm myiny ja yajtëˈëwënë yëkatypyë diˈib miimp mä foyetë. Yëˈë foyetë diˈib miimp mä Internet myëmiimpy ja bideo diˈibë mëët yaˈixäˈäny. Nan të pyëtsëmyë wiinkpë bideo diˈib mëët kyaˈpxyë ëxpëjkpajn diˈib nyajtuˈunëm parë jäˈäy nyaˈëxpëjkëm.

Pën ja diˈibë myaˈëxpëjkypy tsiptakxëp tjaygyukët ti jam mdukniˈˈijxëp o pën jam twinguwäˈägë tuˈugë jotmay, ëxtäˈäy tuˈugë bideo diˈibë mbäät pyudëkëty, mbäät xypyaaty mä jw.org® o mä JW Broadcasting®. Mbäät mëët xyˈixtë ets xynyimaytyäˈäktët.

Poˈoboˈo pyëtsëmyë jembyë bideo. Ko xyˈixët, winmay wiˈix mbäät xytyukpudëkë wiinkpë.