Nˈokˈyajtuˈunëmë jw.org mä ngäjpxwäˈkxëm

Tyäˈädë sitio diˈib nmëdäjtëm mä Internet kajaa xypyudëjkëm parë ngäjpxwäˈkxëmë oybyë ayuk mä “tëgekyë naxwinyëdë” (Apos. 1:8). Per mayë jäˈäy kyaj tnijawëdë, jaanëm tnijawëdë ko tuˈugë nmëguˈukˈäjtëm tyukˈixyëty o tyukmëtmaytyaˈagyëty.

Tuˈugë sirkuitë të dyajjënaky mä tyelefënë tyäˈädë bideo ¿Tiko xyˈëxpëkëdë Biiblyë? ets ttukˈixyë jäˈäy ko mëët nyaybyäädëdë. Ko kyäjpxwaˈkxy tëjkmdëjkm, duˈunë jäˈäy tˈanëëmë: “Yëˈëts nbudëjkëdëbë jäˈäy parë tnijawëdët wiˈix yaˈˈatsoojëmbityë tyäˈädë tëgëëkpë yajtëˈëwën: ¿Tiko axëëk njäjt ngëbajtëm? ¿Wiˈixë Dios dyaˈoyëyaˈany? ¿Ets ti mbäät nduˈunëm? Tyäˈädë bideo diˈib kyaj nëgoo jyeky, yëˈë yˈatsoojëmbijtypy”. Tyäˈädë sirkuitë ta netyë tpëjtaˈagyë bideo etsë net tˈixy pën ja jäˈäy yˈoymyëdoopy. Jantsy oyë tyäˈädë bideo, pes mayë jäˈäy yˈijxtääytyëp axtë ko kyexy. Ta net tˈakˈanëëmë jäˈäy: “Extëm të xymyëdoy, mbäät xyˈamdoy pën mˈëxpëkaambyë Biiblyë mä Internet jw.org. Per kom tyää të niminy, mbäät ndukˈixy wiˈixëtsë jäˈäy nyaˈëxpëktë”. Pën kyupëjkypy, ta ttukˈixy wiˈixë jäˈäy nyaˈëxpëjkëm mëdë foyetë Oybyë ayuk. Ets pën kyaj tmëdatyë tiempë, ta tˈanëëmë ko tnijëmbitäˈäny jatëgok. Ko nyijkxy muum kafeˈukpë mä jäˈäy ttooky, ta tsuj yajxon tyëkë käjpx maytyakpë mët ja jäˈäy diˈib jam pyatypy ets nanaduˈun tˈanëëmë extëm të nˈijxëm. Ets ëtsäjtëm, ¿nyajtuˈunëmë jw.org mä ngäjpxwäˈkxëm?