Nˈokˈyajtuˈunëmë “Preguntas sobre la Biblia” mä ngäjpxwäˈkxëm diˈib mä jw.org

Mä jw.org mä jyënaˈany “Enseñanzas bíblicas”, tap tuk pëky diˈib xyëˈäjtypy “Preguntas sobre la Biblia”. Ko nnijäˈäwëm tijaty jap myaytyakypy, mbäät xypyudëjkëm mëjwiin kajaa mä ngäjpxwäˈkxëm. Pes pën tuˈugë jäˈäy xyajtëˈëwëm diˈib jap miimp, mbäät nidëyë ndukˈijxëm wiˈix yaˈˈatsoojëmbity mä tyäˈädë sitio diˈib mä Internet. Nan mbäät nˈijxëm tijaty jap yajtëëpy ets yëˈë nyajtuˈunëm parë nyajtsondakëmë maytyaˈaky. Extëm nˈokpëjtakëm, mbäät nwinˈijxëm diˈibë jäˈäy yˈoymyëdowëp, ta net nyajtëˈëwëm wiˈix wyinmay ets ndukmëtmaytyakëm wiˈixë Biiblyë jyënaˈany ko ndukjaygyujkëm extëm myiny mä jw.org. Ta net nˈanmäˈäyëm ko ëtsäjtëm jap të nnijäˈäwëm mä jw.org ets ndukˈijxëm ja pajina mä Internet. Nan mbäät këˈëm ja jäˈäy ndukäjpxëm wiˈix yaˈˈatsoojëmbity mä ja pajina. Tuˈugë sirkuitë nyëdoˈoxy jantsy oy wyimbëtsëˈëmxëty ko duˈunë jäˈäy tˈanëëmë: “Mayë jäˈäy nyayajtëyëty, ¿yëˈë Diosë pyoky ko jyaˈˈatyë ayoˈon? ¿Mnijawëyaampy wiˈix yaˈˈatsoojëmbity? Ni kyajakäˈäny tuk minutë parë xynyijawët”. Ta net tpëjtaˈaky ja artikulo parë jäˈäy tmëdooˈitët diˈib të dyajjënaky mä jw.org mä tyelefënë, ets ok, ta net ttukˈixyë liibrë ¿Ti tëyˈäjtën tukniˈijxëbë Biiblyë? kapitulo 11.