Sitio oficial diˈib nmëdäjtëm mä Internet: mbäät oypyënëty dyajtuny
Jesus ojts tniˈanaˈamë ets yajkäjpxwäˈkxët ja oybyë ayuk “abëtsemy nyaxwinyëdë parë yajtuknijawët tukëˈëyë nasionk” (Mat. 24:14, Traducción del Nuevo Mundo). Ets parë yajxon yajtunëdë tyäˈädë tuunk, të yajpëjtaˈaky tuˈugë jembyë sitio diˈib xyëˈäjtypy jw.org jap të yaˈˈawijtsmujktäˈäyë tyäˈädë tëgëëkpë direksion watchtower.org, jw-media.org etsë jw.org (2 Tim. 4:5).
“Abëtsemy nyaxwinyëdë.” Abëtsemy nyaxwinyëdë mayë jäˈäy dyajtundë Internet. Nimay jap dyajpëtsëmdë informasion ets diˈib niˈigyë yajtuundëp yëˈë ënäˈktëjk. Mä tyäˈädë sitio mbäädë jäˈäy tnijawë wiˈixë Biiblyë tˈatsoojëmbity tijaty nayajtëëwëdëp. Mbäät tˈixyˈattë Jyobaa kyäjpn ets nan mbäät tˈamdowdë tuˈugë ëxpëjkënë namayˈäjtën. Duˈuntsoo mbäädë jäˈäy tnijawëdë ja oybyë ayuk axtë diˈib tsënääytyëp mä it lugäärë jagambë mä tsip jyäˈtëdë tyäˈädë ayuk.
Mä “tukëˈëyë nasionk”. Parë jäˈäy tnijawëdët ja Diosë yˈayuk mä “tukëˈëyë nasionk”, jëjpˈam etsë Jyobaa tyestiigëty tnimaytyäˈäktë kanäk ayuk. Pääty mä tyäˈädë sitio diˈib nmëdäjtëm të jap yajpëjtaˈagyë ëxpëjkpajn naa taxk mëgoˈpx ayukën, extëm ni diˈibë pajina kyaduˈunëty.
Yajtuunkpäät. Tyäˈädë jembyë sitio jw.org kyaj jeˈeyë të yajtuknibëjtäägë parë jäˈäy tnijawëdë tëyˈäjtën. Nanduˈunën parë dyajtundëdë Jyobaa tyestiigëty. Pën mdëjkëp mä Internet, ijxtäˈäy tijaty myëmiimbyë tyäˈädë sitio jw.org. Tyää yajnigajpxy tuk pëky majtsk pëky wiˈix mbäät xyajtuunkpääty.
[Dibujë mä pajina 3]
(Parë xyˈixët wiˈix meerë myiny tyäˈädë informasion, ix mä rebistë)
Okˈijxmats
1 Këxjäˈäy www.jw.org/mco mä direksion yajkëxjäˈäy
2 Ixyˈat tijaty myëmiimpy ko xymyoˈoyëdë klik jam këbajky, winˈix diˈibë myaˈˈawäˈätsaampy ets mmoˈoyë netë klik mä diˈibë mgäjpxaampy.
3 Tëkë mä sitio jw.org desde mä aparatë diˈib mmëdäjtypy. Tëgatsäämp extëm kyëxëˈëgyë tyäˈädë pajina mä mbantayë, per yëˈëyëm ja informasion myëminaampy.