Ëxtäˈäyë ëwij käjpxwijën mä jw.org

Diosë yˈAyuk mëjwiin kajaa xypyudëjkëm parë nwinguwäˈkëmë amay jotmay mëdiˈibë tyam nbatëm (2 Tim. 3:1, 16, 17). Per näˈäty, nyajtëgoyˈäjtëmë ëwij käjpxwijën mëdiˈibë yajpatp mä Biiblyë parë nnijäˈäwëm ti mbäät nduˈunëm ko nbatëm tuˈugë jotmay. Extëm nˈokpëjktakëm, ¿myajtëgoyˈajtypyë naybyudëkë mä xyajˈyeeky xyajpetyë mˈuˈunk mˈënäˈk? ¿Myajjotkujkmoˈoyäämp ko të yˈooky ja mëmëjjäˈäy o mgudëjk? Pën mˈënäˈkˈäjtp, ¿jam xywyinguwäˈägë jotmay mä mtsiptakxëty xymyëmëdowëdë Jyobaa? Pën jamë duˈumbë jotmay xypyaaty, mbäät xyˈëxtäˈäyë ëwij käjpxwijën mä jw.org (Prov. 2:3-6).

Tëkë mä jw.org ets nëjkx mä jyënaˈany “Tijatyë Biiblyë tukniˈˈijxëp” ets winˈix mëdiˈibë mgäjpxaampy (dibujë 1). O tëkë mä “Ëxpëjkpajn”, ta net mä jyënaˈany “Myiny kanäägë artikulo” ets winˈix mëdiˈibë mgäjpxaampy (dibujë 2). Miimp nanduˈun mä JW Library^®.a ¿Tiko mgatëkë parë xyˈixët tijaty myëmiimpy? O mbäät këˈëm xykyëxjäˈäy tuˈugë ayuk mëdiˈibë nety mnijawëyaampy, mä jyënaˈany “Buscar”.

Këxjäˈäy mëdiˈibë mˈëxtäˈäyaampy ets kujayë mëdiˈibë artikulo mjakäjpxaampy.

• Yajtukniˈˈixëdë uˈunk ënäˈk

• Wiˈix nyajtuˈunëmë meeny sentääbë

• Kasäädë jäˈäy