“¡Ninäˈä kyayajpääty mä tyëjk!”

Seguurë ko të näˈä duˈun njënäˈänëm ko ngapatëmë jäˈäy mä tyëjk diˈib yˈoymyëdoo Diosë yˈayuk. Oy nuˈun njaninëjkxëm, kyaj nbatëm ets kyaj mbäät nyajxoˈkëm ja tëëm diˈib ojts nnipëm (1 Kor. 3:6). ¿Ti mbäät nduˈunëm? Näägë nmëguˈukˈäjtëm jyaaytyëp tuˈugë neky ets tpëjtäˈäktë tëjkˈagëˈëy. Etsë wiinkpë, kom nyijäˈäwëdëp ko tsip jatëgok tpäättët mä tyëjk, ta tˈamdowdë nyumero de telefënë ets tˈanëëmëdë extëm: “¿Mbäät nduknigexy tuˈugë mensaje?”. Mbäät nmaytsyoˈojëm extëm tuˈugë rebisitë ko nduknigajxëm tuˈugë neky, mensaje, correo electrónico, nikakëmë neky tëjkˈagëˈëy o ko nmëgäjpxëm mä telefënë. Ets duˈun, oyë jäˈäy ngapatëm mä tyëjk, mbäät nbudëjkëm parë niˈigyë tnijawëyäˈänët ja tëyˈäjtën.