Sitio oficial diˈib nmëdäjtëm mä Internet: yajtun mä mgäjpxwaˈkxy

Anëëmë jäˈäy parë jap tyëkët. Mbäät näägë jäˈäy kyaj xymyëtmaytyäˈägäˈänëm o kyaj tˈaxäjëyäˈändë ëxpëjkpajn. Per waˈan tpayoˈoyäˈändët mä jyëën tyëjk pënën Jyobaa tyestiigëty ko tyëkëdët mä jw.org. Pääty, oy ko nˈijxëm pën mbäät oypyënëty nˈanmäˈäyëm parë tyëkët mä tyäˈädë pajina.

Atsoojëmbit ti jäˈäy myajtëëwëp. Ko pën mä territooryë o tuˈugë mwinˈixy myajtëwëdët tii diˈib myëbëjktëbë Jyobaa tyestiigëty o pënën yëˈëjëty, tukˈix wiˈix yaˈˈatsoojëmbity ko mdëkët mä tyäˈädë sitio desdë mä kyomputadoorë o mä yˈaparatë diˈib myëdäjtypyë Internet. Ets ja tekstë diˈib jap miimp, mas oy ko xytyukwingugäjpxët mä mBiiblyë. Pën kyaj mbäät mdëkë mä Internet, tukmëtmaytyäˈäk wiˈix mbäät tˈëxtäˈäy diˈib të dyajtëy mä jw.org. Tyäˈädë jap myiny mä sitio diˈib amxan ets nan miimp wiink ayuk. (Tëkë mä jyënaˈany “Enseñanzas bíblicas” ets ta net mä “Preguntas sobre la Biblia” o mbäät mdëkë mä jyënaˈany “Sobre nosotros” ets ta net mä “Preguntas frecuentes”.)

Mbäät pën xytyuknigexy tuˈugë artikulo o tuˈugë ëxpëjkpajn. Mbäät xyajjënaky PDF o EPUB parë xykyaxët mä correo electrónico. Nan mbäät xyajjënaky tuˈugë ëxpëjkpajn diˈib të yajgrabaraty ets xyajnaxët mä tuˈugë diskë. Pën tuˈugë jäˈäy diˈib kyajnëm nyëbety, nduknigajxëm kaˈpxy tuˈugë liibrë, rebistë o foyetë diˈib të nyajjënäjkëm mä sitio, mbäät ngujäˈäyëm mä informë. Kyaj ngajxëmë informasion pën kyaj të nbëjtakëm pën kyejxypy. Kyaj nduknigajxëm nimayë jäˈäy ets nan kyaj nyajpajtëm mä wiinkpë pajina. (Tëkë mä jyënaˈany “Ëxpëjkpajn”.)

Tukˈixë notisyë diˈib tuun jäjtëp. Tyäˈädë yëˈë pudëkëdëp pënaty myaˈëxpëjkypy o pënaty jatëgok mnijëmbijtypy parë tˈixtët ko abëtsemy nyaxwinyëdë yajtunyë tyäˈädë tuunk ets ko tuˈugyë nnayaˈijtëm (Sal. 133:1). Tyäˈädë notisyë jap myiny mä sitio diˈib amxan ets nan miimp wiink ayuk. (Tëkë mä jyënaˈany “Noticias”.)

[Dibujë mä pajina 5]

(Parë xyˈixët wiˈix meerë myiny tyäˈädë informasion, ix mä rebistë)

Okˈijxmats

1 Mmoˈoyë klik mä jyënaˈany “Ëxpëjkpajn” ets winˈix tuˈuk, ta net xymyoˈoyëdë klik pën myajjënakaampy parë xykyäjpxäˈäny o parë xymyëdooˈitäˈäny.

2 Ko xymyoˈoyëdë klik mä “MP3”, ta kyëxëˈëgäˈäny diˈibaty artikulo myëmiimpy. Parë tuˈuk xyajjënakët mmoˈoyë klik mä ja titulo, o pën mmëdooˈitaampy mmoˈoyë klik yä ▸ parë tsyondäˈägët.

3 Winˈix mä tyäˈädë listë, pën myajjënakaambyë ëxpëjkpajn diˈib wiink ayuk.