Sitio oficial diˈib nmëdäjtëm mä Internet: yajtun parë mˈëxpëkët naytyuˈuk ets mëdë mfamilyë

Käjpxë rebistë diˈib mas jemy të yajpëjtaˈaky. Mä tyäˈädë sitio tap të yajpëjtaˈagyë rebistë Diˈib Xytyukˈawäˈänëm etsë ¡Despertad! diˈib jaanëm ok jäˈtäämp mä naymyujkën. Nan tapë grabasyonk parë xymyëdooˈitët, jeˈeyë ko amxan myiny ets nanduˈun wiink ayuk. (Tëkë mä jyënaˈany “Ëxpëjkpajn” ets ta net mä “Rebistë”.)

Ixë artikulo diˈib jap jeˈeyë yajpäädäämp mä Internet. Näägë artikulo jap jeˈeyë pyëtsëmäˈäny mä Internet. Extëmë “El rincón del joven”, “Mis primeras lecciones de la Biblia”, “Actividades para la familia” etsë “Los jóvenes preguntan”. Winˈix diˈibë artikulo mbäät xyˈëxpëky naytyuˈuk o mä mDiosˈawdaty mëdë mfamilyë. Tyäˈädë artikulo jap xypyäädët mä sitio diˈib amxan. (Tëkë mä jyënaˈany “Enseñanzas bíblicas”, ta net mä jyënaˈany “Niños” o mä jyënaˈany “Jóvenes”.)

Nijawë tijaty tuun jäjtëp. Naytyukpudëkëdë ko xynyijawët tijaty tuun jäjtëp, eksperiensyë ets ixë bideo mä yaˈixy wiˈixë Diosë tyuunk myëjwindëkë wiink it wiink lugäär. Ko nˈijxëm notisyë ko tijaty muum yˈayoˈonbëjtäˈägët o wiˈix muumë nmëguˈukˈäjtëm yajpajëdittë, ta nëjkx ninuˈkxtakëmë extëmë nety jyat kyëbattë (Sant. 5:16). Tyäˈädë notisyë jap myiny mä sitio diˈib amxan ets nan miimp wiink ayuk. (Tëkë mä jyënaˈany “Noticias”.)

Yajtunë Biblioteca en línea. Pën japë tyäˈädë biblioteca mä mˈayuk, yajtun parë xykyäjpxëdë tekstë diˈib jabom jabom yajkäjpxp o parë xypyayoˈoyët diˈib mnijawëyaampy mä ëxpëjkpajn diˈib näämnëm pëtsëëmp. Mbäät mdëkë desde mä mkomputadoorë o mä wiinkpë aparatë. (Tëkë mä jyënaˈany “Publicaciones” ets ta net mä “Biblioteca en línea” o këxjäˈäyë tyäˈädë direksion www.wol.jw.org/es parë jap mmënëjkxëdët.)

[Dibujë mä pajina 4]

(Parë xyˈixët wiˈix meerë myiny tyäˈädë informasion, ix mä rebistë)

Okˈijxmats

1 Ko xymyoˈoyëdë klik mä dibujë o mä jyënaˈany “descárguela”, ta artikulo jyëmbitäˈäny PDF. Mbäät xyˈimprimë parë mëdë mˈuˈunk mˈënäˈk xyˈëxpëkët.

2 Parë xyˈixët tuˈugë bideo mmoˈoyë klik parë tsyondäˈägët.