Nˈokˈyajtuˈunëmë foyetë Oybyë ayuk parë jäˈäy nyaˈëxpëjkëm
1. ¿Wiˈix të kyojˈyë foyetë Oybyë ayuk?
1 Mä Wiˈix nduˈunëmë Diosë Tyuunk diˈib julië, ojts nˈijxëm ko tuk pëky diˈib mbäät nyajtuˈunëm parë jäˈäy ndukniˈˈijxëmë tëyˈäjtën, yëˈë foyetë Oybyë ayuk diˈib tsoˈomp mä Dios. Mä tyäˈädë foyetë jeˈeyë tnigajpxy ja tekstë parë ja diˈib nyaˈëxpëjkëm këˈëm tkäjpxët mä Biiblyë. Mayë ëxpëjkpajn yëˈë parë këˈëmë jäˈäy tˈëxpëkët, perë tyäˈädë foyetë të kyojy parë mëdë jäˈäy nˈëxpëjkëm. Pääty ko tuˈugë jäˈäy nmoˈoyëm, nˈoktuˈunëmë mëjää parë ndukˈijxëm wiˈix yaˈëxpëky, duˈun tˈixtët wiˈix yˈoyëty ko tnijawëdë oybyë ayuk (Mat. 13:44).
2. ¿Wiˈix mbäät nyajtuˈunëmë foyetë Oybyë ayuk ko tim jawyiinë jäˈäy ninëjkxëm?
2 Ko tim jawyiinë jäˈäy ninëjkxëm. Mbäät xyˈanëëmë: “Ko nˈijx nmëdoˈowëm tijaty näjxp mä notisyë, mayë jäˈäy tmëmay tmëdäjtë ti miin këdakp. Wiˈix mˈokwinmay, ¿waˈandaa yˈoyët tijaty? [Waˈan tˈatsoowëmbity.] ¿Mnijäˈäwëbë nety ko Biiblyë yˈawäˈänëbë jotkujkˈäjtën? Tyäˈädë foyetë myëmiimpy tuˈuk majtskë yajtëˈëwën diˈibë Biiblyë yˈatsoowëmbijtypy”. Mmoˈoy ja foyetë ets anëëmë parë twinˈixët tuˈugë yajtëˈëwën diˈib miimp foyetë ëxkëˈëy. Ta net xytyukˈixët wiˈixë jäˈäy nyaˈëxpëjkëm ko xykyäjpxët ja tim jawyiimbë parrafo mä tˈatsoowëmbity ja yajtëˈëwën. Ets ja tuk pëky, yëˈë ko mijts këˈëm xywyinˈixët tuˈugë yajtëˈëwën ets xytyukˈixët wiˈix mbäät ja foyetë pyudëkëty parë tpäädët mä Biiblyë wiˈix yaˈˈatsoowëmbity. Pën diˈib jam maytyaktëp, miimp tuˈugë bideo mä jw.org, ta xytyukˈixët.
3. Nimaytyäˈäk wiˈix mbäädë jäˈäy nyaˈëxpëjkëm mëdë foyetë Oybyë ayuk.
3 ¿Wiˈix mbäät nyajtuˈunëm parë jäˈäy nyaˈëxpëjkëm? 1) Käjpx ja yajtëˈëwën mäjaty myinyë letrë yëkatypyë parë ja jäˈäy tpëjtäˈägët jamë jyot wyinmäˈäny. 2) Ta net xykyäjpxët ja parrafo. 3) Käjpx ja tekstë diˈib miimp kursiibë, ets winmay yajxon tijaty mˈakˈyajtëwaampy parë tˈatsoowëmbitët mëdë Biiblyë ja yajtëˈëwën diˈib miimp yëkaty. 4) Pën mä tuˈukpë yajtëˈëwën kanäägë parrafo tmëminy, ta xytyunët extëm yä të yajnigajpxy mä 2 ets 3. Pën jap tuˈugë bideo diˈib yˈatsoowëmbijtypy ja yajtëˈëwën, ta ja jäˈäy xytyukˈixët pën kyajnëm xytyukˈixy. 5) Tim ok, ta xyˈanëëmët ets tˈatsoowëmbitët ja yajtëˈëwën, duˈun xyˈixët pën të tjaygyukë.
4. ¿Ti xypyudëkëyäˈänëm parë niˈigyë njäjtëm nyajtuˈunëmë tyäˈädë foyetë?
4 Ix tijaty myëmiimbyë tyäˈädë foyetë ets yajtun xëmë. Mä mgaˈëxpëktënëm, winmay mä ja jäˈäy diˈib myaˈëxpëjkypy ets wiˈix mbäät xyajtunyë tekstë diˈib miimp parë xytyukjaygyukët (Prov. 15:28; Apos. 17:2, 3). Ko niˈigyë xyjatët xyajtunëdë tyäˈädë foyetë, ta niˈigyë xyajtunäˈänët parë jäˈäy xytyukniˈˈixëdë tëyˈäjtën.